އިންޓަ އިން ރޭ އާސެނަލްގެ މައްޗަށް ކުރި ހޯދީ، ފުރަތަމަ ހާފު ނިމެނިކޮށް ލިބުނނު ޕެނަލްޓީއަކުން، ހަކަން ޗަލްހަނޮގްލޫ ކާމިޔާބު ކުރި ގޯލުނންނެވެ.
މެޗު ފަށައިގެން ދެ ޓީމުން ވެސް ރަނގަޅަށް ކުޅެމުން ދިޔައިރު، މެޗުގެ ފުރަތަމަ ހާފުގެ އިތުރު ވަގުތުގައި އިންޓަ އަށް ވަނީ ޕެނަލްޓީއެއް ލިބިފަ އެވެ. އެއީ އާސެނަލްގެ އޭރިޔާ ތެރެއިން އެ ޓީމުގެ މިކޭލް މެރީނޯ އަތުގައި ބޯޅަ ޖެހުމުން ރެފްރީ ދިން ޕެނަލްޓީ އެކެވެ. އެ ޕެނަލްޓީ ކާމިޔާބުކޮށް، އިންޓަ އަށް ކުރި ހޯދައިދިނީ ހަކަން ޗަނޮނޮގްލޫ އެވެ.
މެޗުގެ ނަތީޖާ ބަލައިގަންނަން އުނދަގޫ ކަމަށް އާސެނަލްގެ ކޯޗު މިކެލް އާޓެޓާވަނީ ބުނެފައެވެ. މެޗުން ބަލިވި ނަމަވެސް އާޓެޓާ ބުނީ، މިއީ އާސސެނަލް އިން ފާއއިތުވި އަހަރުތަކުގައި ޔޫރަޕްގައި ކުޅުނު އެންމެ މޮޅު މެޗު ކަމަށެވެ. އާސެނަލް އިން ގޯލެއް ޖަހައި ނަތީޖާ ބަދަލުކޮށްލަން ގިނަ މަސައްކަތްތަކެއް ކުރި ނަމަވެސް އިންޓަގެ ޑިފެންސް ފޫއަޅުވައެއް ނުލެވުނެވެ.
އިންޓަ އަތުން ވީ ބައްޔާ އެކު އާސެނަލް އޮތީ ލީގު ތާވަލްގެ 12 ވަނަ މަގާމުގަ އެވެ. އެއީ މިހާތަނަށް ކުޅުނު ހަތަރު މެޗުން ހަތް ޕޮއިންޓާ އެކު އެވެ.
ހަތަރު މެޗުގެ ތެރެއިން އާސެނަލް ވަނީ ދެ މެޗުން މޮޅުވެފަ އެވެ. އެއް މެޗުން އެއްވަރުވެފައިވާއިރު، އަނެއް މެޗުން ވަނީ ބަލިވެފަ އެވެ. އާސެނަލް އަތުން ހޯދި މޮޅާ އެކު އިންޓަ އޮތީ ފަސް ވަނައިގަ އެވެ. އެއީ މިހާތަނަށް ކުޅުނު ހަތަރު މެޗުން 10 ޕޮއިންޓު ހޯދައިގެންނެވެ.
