އެމްއެންޔޫގައި ކުރިއަށްދިޔަ ރަސްމިއްޔާތެއްގައި އެ އެއްބަސްވުމުގައި ޔުނިވާސިޓީގެ ފަރާތުން ސޮއިކުރެއްވީ ވައިސް ޗާންސެލާ ޑރ. އާއިޝަތު ޝެހެނާޒް އެވެ. އަދި މިނިސްޓްރީގެ ފަރާތުން ސޮއިކުރެއްވީ މިނިސްޓަރު އިބްރާހިމް ފައިސަލް އެވެ.
އެމްއެންޔޫ ވައިސް ޗާންސެލާ އާއި މިނިސްޓަރު ފައިސަލް
މި ފަހުމުނާމާގެ މަގްސަދަކީ އިންޓަރންޝިޕްތަކާއެކު ހޮޓެލް މެނޭޖްމަންޓް ކުރިއަށް ގެންދިއުމަށް ދަރިވަރުންނަށް ފުރުސަތު ދިނުމާއި، އިންޑަސްޓްރީއަށް ތައްޔާރު ޕްރޮފެޝަނަލުން އުފެއްދުން ކަމުގައި ޓޫރިޒަމް މިނިސްޓްރީން މައުލޫމާތުދެ އެވެ.
ރަސްމިއްޔާތުގައި މިނިސްޓަރު ފައިސަލް ވިދާޅުވީ މަޝްރޫއުގެ ދަށުން ޓޫރިޒަމްގެ ދާއިރާއިން ކުރިއަށްދާން ބޭނުންވާ ފަރާތްތަކަށް ރަނގަޅު ފުރުސަތުތަކެއް ފަހިކޮށްދެވޭނެ ކަމަށެވެ.
ޗާންސެލާ ޑރ. އާއިޝަތު ޝެހެނާޒް ވިދާޅުވީ ޓްރެއިނިން ރިސޯޓަކީ ބައިނަލްއަގްވާމީ ފެންވަރުގެ ޓްރެއިނިން މަރުކަޒަކަށް ހެދުމުން ދުނިޔޭގެ ކަންކޮޅުތަކުން ދަރިވަރުންނާއި ދިރާސާވެރިން އެ މަރުކަޒަށް އަންނާނެ ކަމަށް ގަބޫލު ކުރެވޭ ކަމަށެވެ. އޭނަ ވިދާޅުވީ މިމަޝްރޫއު ކުރިއަށް ގެންދާނީ ހުޅިމެންދޫގެ ގުދުރަތީ ތިމާވެށި ރައްކާތެރި ކުރުމަށް ވަރަށް ބޮޑު އިސްކަންދީގެން ކަމަށެވެ.
އަމާޒަކީ ދެ އަހަރުގެ ތެރޭގައި އެތަނުގައި މަސައްކަތްތައް ފެށުމެވެ.
