ދައުލަތުގެ މީޑިއާ މެދުވެރިކުރައްވައި މި ސެންޓަރުތަކާއި ގުޅޭގޮތުން މައުލޫމާތު ހާމަކުރައްވަމުން، މިނިސްޓަރު ހައިދަރު ވިދާޅުވީ އާބަން ސެންޓަރެއްގެ އާބާދީ މަދުވެގެން 10،000 މީހުން ހުންނަން ޖެހޭނެ ކަމަށެވެ. އަދި އާބާދީ އިތުރުވާ ވަރަކަށް ހިދުމަތްތައް އިތުރަށް ފުޅާވެގެންދާނެ ކަމަށް ވެސް މިނިސްޓަރު ވިދާޅުވި އެވެ.
ސަރުކާރުން ވަނީ އާބަން ސެންޓަރުގެ ގޮތުގައި ހަތް ރަށެއް ތަރައްގީ ކުރަން ނިންމައިފަ އެވެ. އެއީ އުނގޫފާރާއި، އޭދަފުށްޓާއި، ނައިފަރާއި، މަހިބަދޫ އާއި، ނިލަންދޫ އާއި، ކުޑަހުވަދޫ އާއި، ފޮނަދޫ އެވެ.
މި ރަށްތައް ހޮވުމުގައި އެ ރަށްތަކަށް މިހާތަނަށް ކޮށްފައިވާ އިންވެސްޓްމަންޓަށް ބެލި ކަމަށް މިނިސްޓަރު ހައިދަރު ވިދާޅުވި އެވެ. އަދި ސިއްހީ ހިދުމަތްތަކާއި ތައުލީމީ ހިދުމަތްތައް ހުރި މިންވަރާއި ރަށް ބޮޑުކުރެވޭނެ މިންވަރަށް ވެސް ބެލި ކަމަށް އެ މިނިސްޓަރު ވިދާޅުވި އެވެ.
އާބަން ސެންޓަރާ ގުޅޭ ބައެއް މުހިންމު މައުލޫމާތު:
- އާބަން ސެންޓަރެއްގެ އާބާދީ މަދުވެގެން 10،000 މީހުން
- ހަތް ރަށެއް އާބަން ސެންޓަރުގެ ގޮތުގައި ތަރައްގީ ކުރަން ވަނީ ނިންމާފަ
- ރަށްތައް ހޮވުމުގައި އިންވެސްޓްމަންޓާއި ހިދުމަތްތަކަށް ބެލިކަމަށް ސަރުކާރުން ބުނޭ
- އާބަން ޑިވެލޮޕްމަންޓް ޕްލޭނާއި ޕޮލިސީތައް އެކުލަވާލަމުންދޭ
- އާބަން ސެންޓަރުތަކުގައި އަސާސީ ހިދުމަތްތައް ލިބެން ހުންނާނެ
