އެ މިނިސްޓްރީން ނެރުނު އެއްގަމު އުޅަނދުގައި ޑޮމެއިން ބޭނުންކުރުމުގެ ގަވާއިދުގައިވާ ގޮތުން މި ގަވާއިދަށް އަމަލުކުރަން ފަށާއިރ،ު މިނިސްޓްރީން ދޫކޮށްފައިވާ ޑޮމެއިންގެ ރަޖިސްޓަރީ ލިޔުމާއި ޑޮމެއިން ބޭނުންކުރުމުގެ ހުއްދަތައް މި ގަވާއިދާ އެއްގޮތަށް ބަދަލުކުރުމަށްޓަކައ،ި މި ގަވާއިދަށް ޢަމަލުކުރަން ފަށާ ތާރީހުން ފެށިގެން ދެ މަސްދުވަސް ލިބޭނެއެވެ. އަދި އެ މުއްދަތުގައި ޑޮމެއިން ރަޖިސްޓަރީކޮށްފައިވާކަމުގެ ލިޔުން ނުވަތަ ފައިސާ ދެއްކިކަމުގެ ސްލިޕް މިނިސްޓްރީއަށް ހުށަހަޅަންވާނެކަމަށްވެސް އެ ގަވައިދުގައިވެއެވެ.
އަލަށް އިސްލާހު ކުރި ގަވައިދުގައިވެސް ވަނީ ޑޮމެއިން ނަމްބަރެއް ރަޖިސްޓްރީ ކޮށްދެނީ ކުރިން ވެސް އޮންނަ އުސޫލުން 500 ރުފިޔާއަށްކަމަށެވެ. އަދި ނީލަމުގެ އުސޫލުން ޑޮމެއިނެއްގެ އަގަކީ 50،000-100،000 ރުފިޔާއާ ދެމެދެވެ.
މި ގަވައިދުގައި ބުނާގޮތުން ''ޑޮމެއިން ބޭނުންކުރުމުގެ ހުއްދ،ަ ދުއްވާ މީހާގެ އަތުގައި އޮތުން'' ކަމުގައި ވާނީ މިނިސްޓްރީން ދޫކުރާ ލިޔުން ނުވަތަ ކިއު އާރު ކޯޑު ސްކޭންކުރެވޭނެ ފަދަ ކޮޕީއެއް ނުވަތަ ރަސްމީ ޕޯޓަލެއްގެ ތެރެއިން ފެންނަން އޮންނަ އޮތުމުންކަމަށެވެ.
ޑޮމެއިންގެ ރަޖިސްޓްރީ އިންނަ ޖެހޭގޮތްކަމަށް އައި ގަވައިދުގައި ހިމަނާފައިވާ ސާމްޕަލް
ގަވައިދު ބުނާގޮތުން ޑޮމެއިންގެ ހިދުމަތް ދިނުމުގައި ދިމާވެފައިވާ ނުވަތަ ދިމާވާ މައްސަލަތައް ހައްކުކުރާނީ އެކަމަށް އެކުލަވާލާ ހަތް މެމްބަރުންގެ ކޮމެޓީއަކުންނެވެ ބޭނުންކުރަމުންދާ ޑޮމެއިންއަކީ ގާނޫނާއި އެގޮތަށް ދީފައިވާ ސައްހަ ޑޮމެއިނެއްކަމަށް ކަނޑައެޅުމާއި ގަވާއިދުތަކާ އެއްގޮތަށް ދީފައިވާ ސައްހަ ޑޮމެއިނެއް ނޫންކަމުގައި ކަނޑައެޅުމާއެކު އެ ޑޮމެއިނަކީ ބާޠިލު ޑޮމެއިނެއްކަމަށް ނިންމުގެ ބާރު އެ ކޮމެޓީއަށް ލިބިގެންވެއެވެ.
