ޑޮމެއިން ހިދުމަތުގެ ސެކިއުރިޓީ ހަރުދަނާކުރުމުގެ ގޮތުން އައު ސެކިއުރިޓީ ފީޗާ ތަކަކާއެކު ޑޮމެއިން ރަޖިސްޓްރީ ސެޓިފިކެޓާއި ޑޮމެއިން ބޭނުންކުރުމުގެ ހުއްދަ ތައާރަފްކުރުމަށް ޓްރާސްޕޯޓް މިނިސްޓްރީން މިފަހުން ވަނީ ނިންމާފައެވެ.
އެގޮތުން މިމަހުގެ 17 އިން ފެށިގެން 60 ދުވަސްތެރޭގައި ކުރިން ދޫކޮށްފައިވާ ޑޮމެއިން ބޭނުން ކުރުމުގެ ހުއްދަ ނުވަތަ ފައިސާ ދެއްކި ކަމުގެ ރަސީދު މިނިސްޓްރީއަށް ހުށަހަޅަންޖެހޭކަމަށް ޓްރާސްޕޯޓް މިނިސްޓްރީން ފާހަގަކުރެއެވެ. އަދި ހުށަހެޅުމަށްފަހު އަލަށް ތާއާރަފްކުރާ ޑޮމެއިން ރަޖިސްޓްރީ ސެޓުފިކެޓާއި ޑޮމެއިން ބޭނުންކުރުމުގެ ހުއްދައަށް ބަދަލުކުރަން އެ މިނިސްޓްރީން އިލްތިމާސްކުރެ އެވެ.
އޭގެއިތުރުން އަލަށް ތައާރަފްކުރާ ރަޖިސްޓްރީ ސެޓުފިކެޓާއި ޑޮމެއިން ބޭނުންކުރުމުގެ ހުއްދަ ހޯދުމުގެ ބޭނުމަށް އެ މިނިސްޓްރީނ ހުށަހަޅާ ލިޔުންތައް ބަލައިގަތްކަމުގެ ލިޔުމެއް ދޫކުރާނެކަަމަށްވެސް ޓްރާންސްޕޯޓް މިނިސްޓްރީން މައުލޫމާތުދެއެވެ.
އެ ހިދުމަަތަށް އެދި ލިޔެކިޔުންތައް ހުށަހަޅާނީ އެކަމަށް ކަަނޑައަޅާފައިވާ ފޯމާއެކު [email protected] ނުވަތަ ޑޮމެއިންގެ މަސައްކަަތަށް މިނިސްޓްރީން ހާއްސަކޮށްފައިވާ ކައުންޓަރަށްކަމަށް ޓްރާންސްޕޯޓް މިނިސްޓްރީން ބުނެއެވެ. އެގޮތުން ކައުންޓަރު ހުޅުވާފައި ހުންނާނީ ރަސްމި ދުވަސްތަކުގެ ހެނދުނު 9:00 އިން 13:00 އަށް ޓްރާންސްޕޯޓް މިނިސްޓްރީގެ ގްރައުންޑް ފްލޯގައެވެ. އަދި އެކަމާ ގުޅޭ އިތުރު މައުލޫމާތު ހޯދުމަށް ރަސްމީ ގަޑީގައި 3343415 އަށް ގުޅުމަށް އެ މިނިސްޓްރީން އެދެއެވެ.
17 ނޮވެމްބަރުން ފެށިގެން 60 ދުވަސް ހަަމަވުމަށްފަހު، މިނިސްޓްރީން ޑޮމެއިންގެ ގޮތުގަިއ ބަަލއިގަންނާނީ "އެއްގަމު އުޅަނދުގަިއ ޑޮމެއިން ބޭނުންކުރުމުގެ ގަވައިދު"ގެ ޖަދުވަލު 1 ގައި ބަޔާންކޮށްފައިވާ ޑޮމެއިން ރަޖިސްޓްރީ ސެޓިފިކެޓާއި ޑޮމެއިން ބޭނުންކުރުމުގެ ހުއްދަ އެކަނި ކަމުގައި ޓްރާނސްޕޯޓް މިނިސްޓްރީން ބުނެ އެވެ.
