ދައުލަތުން މިގޮތަށް ނިންމާފައިވަނީ އާސަންދަ އަށް ކުރާ ހޭދަ ކުޑަކުރުމަށްޓަކައި ސަރުކާރުން އަޅަން ނިންމާފައިވާ ފިޔަވަޅުތަކުގެ ތެރެއިންނެވެ.
އަންނަ އަހަރަށް ލަފާކުރާ ބަޖެޓުގައިވާ ގޮތުން، އާސަންދައިގެ ހަރަދުތައް ދެމެހެއްޓެނިވި މިންގަނޑެއްގައި ހިފެހެއްޓުމަށްޓަކައި މުހިއްމު ދެ ބަދަލެއް އަންނަ އަހަރުގެ އޭޕްރީލް އިން ފެށިގެން ގެންނާނެކަމަށް ސަރުކާރުން ވަބީ ބުނެފައެވެ. އަދި މި ބަދަލު ގެނައުމަށް އާސަންދަށް އަށް ކުރާ ހޭދައިން 600 މިލިއަން ރުފިޔާއާ ގާތް ކުރާ އަދަދެއް ކުޑަ ކުރެވޭނެ ކަމަށް ބަޖެޓްގައި ލަފާކޮށްފައިވެއެވެ.
އާސަންދަ ނިޒާމަށް ގެންނަ ބަދަލުގެ ގޮތުގައި 60،000ރ. އަށް ވުރެ ބޮޑު އާމްދަނީ ލިބޭ، އިންކަމް ޓެކްސް ދައްކަން ޖެހޭ މީހުންގެ އަތުން ވަކި އަދަދެއް ނަގަން ވަނީ ކަނޑައަޅައިފަ އެވެ. އަދި އެންމެ މުއްސަދިންގެ އަތުން ފާމަސީތަކާއި ސަރުކާރުގެ ހޮސްޕިޓަލުތަކުން ހޯދާ ބައެއް ސިއްހީ ހިދުމަތްތަކަށް ވެސް ކޯ-ޕޭ ނިޒާމެއް ތައާރަފް ކުރުމަށްވެސް ވަނީ ކަނޑައަޅާފައެވެ.
މުއްސަނދިން އަތުން ނަގާ ކޮންޓްރިބިއުޝަންގެ ނިސްބަތާއި އަހަރެއްގެ ތެރޭގައި ގިނަވެގެން ނަގާނެ ކަނޑައަޅާފައިވަނީ އާމްދަނީގެ ގިންތިއަށް ބަލައިގެންކަމަށް ބެޖެޓްގައިވެއެވެ. އަދި އިންކަމް ޓެކްސް ދައްކާ މީހުންނަށް ބަލައިގެން އެ ކޮންޓްރިބިއުޝަނެއް ނަގާއިރު އުމުރުން 18 އަހަރުން ދަށުގެ ކުޑަކުދިންނާއި 65 އަހަރުން މަތީގެ މީހުންނާއި ދިގު މުއްދަތަށް ފަރުވާ ހޯދަން ޖެހޭ ބަލިތަކަށް ފަރުވާ ހޯދާ މީހުން އިސްތިސްނާ ވާނެކަމަށްވެސް ބަޖެޓްގައި ބުނެއެވެ.
