ސިފައިންނާއި ފުލުހުންގެ މެޑިކަލް ވެލްފެއާ ސްކީމް އުވާލުމަށްފަހު ޕްރައިވެޓް އިންޝުއަރެންސް ނިޒާމަކަށް ބަދަލުކުރަން ސަރުކާރުން ވަނީ ނިންމާފައެވެ.
މި ނިންމުމާއި ފުލުހުންގެ ތެރޭގައި ހުރި ކަންބޮޑުވުންތަކަށް ޖަވާބު ދެއްވަމުން ފުލުހުންގެ ތަރުޖަމާން ޝިފާން އެކްސްގައި ކުރެއްވި ޕޯސްޓެއްގައި ވިދާޅުވީ ފުލުހުންނަށް ދޭ މެޑިކަލް ސްކީމްގެ އިސްރާފު ވީ އެންމެ ބޮޑަކަށް ކުޑަކުރުމަށް ޓަކައި ރިވިއުކުރާނެ ކަމަށެވެ. އެހެންނަމަވެސް މިހާރު ދޭ އެއްވެސް އެލަވަންސެއް މި ސްކީމް ރިވިއުކުރާއިރު އުނިކުރުމުގެ އެއްވެސް ވިސްނުމެއް ފުލުހުންގެ މިހާރުގެ ލީޑާޝިޕްގެ ނެތްކަމަށް ވެސް ޝިފާން ވިދާޅުވިއެވެ.
ފުލުހުންނާއި ސިފައިން މެޑިކަލް ސްކީމަށް ސަރުކާރުން ބަދަލު ގެންނަން ނިންމީ އަންނަ އަހަރުގެ ކުރީކޮޅުން ފެށިގެންނެވެ.
މިހާރު އޮތް ސްކީމުގައި ލިމިޓެއް ނެތުމާއެކު، ކޮސްމެޓިކް ޕްރޮސީޖާތަކާއި ބައެއް ކޮންސިއުމަބަލްތައް ވެސް ހިމެނެ އެވެ. އާ ނިޒާމުގެ ދަށުން ސިފައިންނާއި ފުލުހުންގެ އާއިލާތަކަށް ޕްރައިވެޓް އިންޝުއަރެންސް ޕެކޭޖެއް ހަމަޖައްސައި، ދައުލަތުން ހަރަދު ކުރަންޖެހޭ މިންވަރު ކޮންޓްރޯލް ކުރެވޭނެ އެވެ.
