މި މަޝްރޫއުގެ މަސައްކަތް ހަވާލުކުރީ އެމްޓީސީސީއެވެ. މިކަމުގެ އެއްބަސްވުމުގައި ރޭ ވަނީ ސޮއިކޮށްފައެވެ.
ކޮންސްޓްރަކްޝަން މިނިސްޓްރީގެ ފަރާތުން މި އެއްބަސްވުމުގައި ސޮއިކުރީ ސްޓޭޓް މިނިސްޓަރު އިބްރާހީމް ތއާމު މުހައްމަދެވެ. އެމްޓީސީސީގެ ފަރާތުން ސޮއިކުރީ އެކުންފުނީގެ މެނޭޖިން ޑިރެކްޓަރު ޑީސީޕީ ރިޓަޔާޑް އަހްމަދު ސައުދީ އެވެ.
މި އެއްބަސްވުމުގެ ދަށުން ގުރައިދޫގައި އެއާޕޯޓެއް ތަރައްޤީކުރުމަށް ބޭނުންވާ ބިން ހިއްކާ، އެ ސަރަހައްދުގެ ގޮނޑުދޮށް ހިމާޔަތްކުރުމަށް ޝޯ ޕްރޮޓެކްޝަން ޖެހުން ހިމެނެއެވެ.
މި އެއްބަސްވުމުގައި ސޮއިކުރިކަން ފިޔަވާ އިތުރު ތަފްސީލެއް ކޮންސްޓަކްޝަން މިނިސްޓްރީއަކުން ހާމައެއް ނުކުރެއެވެ.
ތ . ގުރައިދޫގައި އެއާޕޯޓެއް އެޅުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ. އަދި މިއަހަރުގެ ބަޖެޓްގައި އެ މަޝްރޫއު ހިމަނާފައި ނެތްނަމަވެސް އެއާޕޯޓްގެ މަސައްކަތް މިއަހަރުގެ ތެރޭގައި ފައްޓަވާނެކަމަށްވެސް ރައީސް ޑރ. މުއިއްޒު ވަނީ ވިދާޅުވެފައެވެ.
