ރާއްޖޭގެ ޓީވީގެ ޕްރޮގްރާމެއްގައި ވާހަކަފުޅު ދައްކަވަމުން އިބޫ ވިދާޅުވީ ސަރުކާރަށް އެއް އަހަރު ވެގެން ދިޔައިރު ރައްޔިތުން ތިބީ ބިރުވެރިކަމެއްގެ ތެރޭގައި ކަމަށެވެ. އަދި މިއީ ރާއްޖޭގެ ތާރީހުގައި މަސްވެރިން އެންމެ ހާލުގައި ޖެހިފައިވާ ދުވަސްވަރު ކަމަށް އިބޫ ވިދާޅުވި އެވެ.
އިބޫ ވިދާޅުވީ ސަރުކާރުން މަސްވެރިންނަށް ވީ ވައުދުތައް ނުފުއްދޭ ކަމަށެވެ. އެގޮތުން، މަހަށް 20 ރުފިޔާއަށް ވުރެ ބޮޑު އަގު ދޭނެ ކަމަށާއި، 48 ގަޑިއިރުގެ ތެރޭގައި މަސްވެރިންނަށް ފައިސާ ދޭނެ ކަމަށް ބުނި ނަމަވެސް، މިހާރު 16 ރުފިޔާއަށް މަސް ގަނެ، ދެތިން ހަފުތާއަށް ވެސް ފައިސާ ނުދޭ ކަމަށް އިބޫ ވިދާޅުވި އެވެ.
މީގެ އިތުރުން، ނޫސްވެރިކަން ހަނިކުރުމަށް ސަރުކާރުން މަސައްކަތް ކުރަމުންދާ ކަމަށާއި، ރައްޔިތުން ސިއްހީ ފަރުވާއަށް ސަލާންޖަހަން ޖެހިފައިވާ ކަމަށް އިބޫ ވިދާޅުވި އެވެ. އަދި މިގޮތަށް ކަންކަން ކުރިއަށްދާ ނަމަ، ރައްޔިތުންނަށް ވަރަށް ދަތި އުނދަގޫ ދުވަސްތަކެއް ކުރިމަތިވާނެ ކަމަށް އިބޫ ވިދާޅުވި އެވެ.
