Advertisement

އެމްޕީއެލްގެ ސީއީއޯ މުހައްމަދު ވަޖީހު އިބްރާހިމް ވިދާޅުވީ، މި އަހަރުގެ މެއި މަހު ފެށުނު މި ހިދުމަތުގެ ދަށުން މިހާތަނަށް 210 ކޮންޓެއިނަރުގެ މުދާ ވަނީ ދުނިޔޭގެ އެކި ގައުމުތަކަށް ފޮނުވިފަ އެވެ. މި މުދާތައް ފޮނުވުމުގައި 9 އެއަލައިނާއެއް ބައިވެރިވާ ކަމަށް ވެސް އޭނާ ވިދާޅުވިއެވެ. 

ރައީސް މުހައްމަދު މުއިއްޒުގެ ވެރިކަމުގައި އިގުތިސާދު ހަރުދަނާ ކުރުމަށް ފެށި މި މަސައްކަތުގެ ދަށުން ކަނޑު މަގުން ރާއްޖެ އައި މުދަލުގެ ތެރެއިން 1،008،000 ކިލޯގެ މުދާ ވަނީ ވައިގެ މަގުން އެކި ގައުމުތަކަށް ފޮނުވިފަ އެވެ.

މި ހިދުމަތުގެ ދަށުން މުދާ ފޮނުވަމުންދަނީ އެމެރިކާ، ކެނެޑާ، އިނގިރޭސި ވިލާތް އަދި ޔޫރަޕުގެ އެހެނިހެން ގައުމުތަކަށެވެ. މި ހިދުމަތަކީ ރާއްޖޭގެ އިގުތިސާދަށް ބޮޑު މަންފާއެއް ކުރާނެ ސިނާއަތެއްގެ ގޮތުގައި ތަރައްގީވަމުން އަންނަ ކަމަށް ވެސް ވަނީ ފާހަގަކުރެވިފަ އެވެ.

• މެއި މަހުން ފެށިގެން 3 މިލިއަން ޑޮލަރަށް ވުރެ ގިނަ ފައިސާ އިގުތިސާދަށް ވަދެފައިވޭ
• 210 ކޮންޓެއިނަރުގެ މުދާ ބޭރު ގައުމުތަކަށް ފޮނުވިފައިވޭ
• 9 އެއަލައިނާއެއް މި ހިދުމަތުގައި ބައިވެރިވޭ
• 1،008،000 ކިލޯގެ މުދާ ވައިގެ މަގުން ފޮނުވިފައިވޭ
• މުދާ ފޮނުވަނީ އެމެރިކާ، ކެނެޑާ، އިނގިރޭސި ވިލާތް އަދި ޔޫރަޕުގެ ގައުމުތަކަށް