"އޭޝިއާސް ކޯޕަރޭޓް އެކްސެލެންސް އެންޑް ސަސްޓެއިނަބިލިޓީ އެވޯޑްސް 2024" އިން އެމްޑީ ފަހުމީ އަށް ލިބުނީ އޭޝިއާގެ "މޯސްޓް އިންސްޕަޔަރިން އެގްޒެކެޓިވްސްގެ އެވޯޑް" އެވެ. އެގޮތުން ފަހުމީއަށް މި އެވޯޑް ލިބުނީ ސްޓެލްކޯގެ މެނޭޖިން ޑިރެކްޓަރުގެ މަގާމުގައި ހުރެ ކުންފުންޏާއި އެނާޖީ ސެކްޓާގެ ކުރިއެރުމަށް ކުރައްވާ މިއްނެތް މަސައްކަތަށެވެ.
އޭޝިއާސް ކޯޕަރޭޓް އެކްސލެންސް އެންޑް ސަސްޓެއިނަބިލިޓީ އެވޯޑްސް (އޭސީއިއެސް) އަކީ މެލޭޝިއާގެ މޯސް ގްރޫޕުން ދޭ އެވޯޑްއެކެވެ. މި އެވޯޑް ޝޯވްގެ ބޭނުމަކީ އޭޝިއާގެ ވިޔަފާރީގެ އުންމީދުތަކާއި ކާމިޔާބީގެ ވާހަކަތައް ދުނިޔޭގެ މައިދާނަށް ގެނެސްދިނުމެވެވެ.
މިއީ މި އެވޯޑް ދިވެއްސަކު ކާމިޔާބު ކުރި 2 ވަނަ ފަހަރު ކަމަށްވާއިރު މި އެވޯޑް ފުރަތަމަ ލިބުނީ ކުރީ އެމްޑީޕީ ސަރުކާރުގެ އެމްޑީ ހަސަން މުގުނީ އަށެވެ.
އެމްޑީ ފަހުމީގެ އިތުރުން ސްޓެލްކޯއަށްވެސް ވަނީ އެވޯޑެއް ލިބިފައެވެ. އެގޮތުން ސްޓެލްކޯއަށް ލިބުނީ "އިންޑަސްޓްރީ ޗެމްޕިއަން އޮފް ދަ އިޔާ"ގެ އެވޯޑެވެ.
ސްޓެލްކޯ އާއި ފަހުމީ ގުޅިވަޑައިގަތީ 1988 ވަނަ އަހަރުއެވެ. އެންމެ ފުރަތަމަ ފަހުމީ ސްޓެލްކޯ އާއި ގުޅިވަޑައިގަތީ އެކައުންޓެންޓް ޓްރެއިނީއެއްގެ ގޮތުގައެވެ. އަދި އެންމެ ފަހުން ހުންނެވީ ޖެނެރަލް މެނޭޖަރެއްގެ މަގާމުގައެވެ.
ފަހުމީ ވަނީ އީސްޓް ލަންޑަން ޔުނިވާސިޓީން ބިޒްނަސް އެޑްމިނިސްޓްރޭޝަން އާއި އެކައުންޓިންގެ ދާއިރާއިން މާސްޓާސް ޑިގްރީ ހާސިލް ކުރައްވާފަ އެވެ.
