އެމްވީ ޕްލަސް މީޑިއާ އިން އެމްވީ ޕްލަސް ކޮމިއުނިޓީ އިމްޕެކްޓް އެވޯޑްސް 2024 ބާއްވާފައިވަނީ މިމަހުގެ 14 ވަނަ ދުވަހުގަ އެވެ. މި އެވޯޑަކީ އެންޖީއޯތަކުން ރާއްޖޭގެ މުޖްތަމައުއަށް ކޮށްދޭ އަގުހުރި މަސައްކަތް އަގުވަޒަންކޮށް ބަލައިގަތުމުގެ ގޮތުން ދޭ ޝަރަފުވެރި އެވޯޑެކެވެ.
މި އެވޯޑް ޝޯވްގެ 3 ވަަނަ އެޑިޝަން ހޮޓެލް ޖެންގައި ބާއްވާފައިވާއިރު ޝޯވްގެ ޝަރަފުވެރި މެހެމާނެއްގެ ގޮތުގަިއ ބައިވެރީ މާލޭ ސިޓީ މޭޔަރު އާދަމް އާޒިމް އެވެ. އެގޮތުން މޭޔަރުގެ ވާހަކަފުޅުގައި ހިލޭސާބަހަށް މަސައްކަތް ކުރުމުގެ މުހިންމުކަމަށް އަލިއަޅުއްވައި، މި މުޖުތަމައުގެ ހިދުމަތްތަކަކީ ގައުމު ދުވެލީގައި ގެންދާ ބާރެއްގެ ގޮތުގައި ސިފަކުރެއްވި އެވެ.
އެމްވީ ޕްލަސް ކޮމިއުނިޓީ އިމްޕެކްޓް އެވޯޑްސް 2024 ހަފްލާގެ ތެރެއިން
ހަނިމާދޫ ޒުވާނުންގެ ޖަމިއްޔާގެ އިތުރުން، އިތުރު 8 އެންޖީއޯގެ މަސައްކަތްތައް ބަލައިގަނެ އެފަރާތްތަކަށްވެސް ވަނީ ކޮމިއުނިޓީ އިމްޕެކްޓް އެވޯޑްސް ދީފައެވެ. އެއީ:
- އެޑްވޮކޭޓިން ދަ ރައިޓްސް އޮފް ޗިލްޑްރަން
- އަލްޒެއިމާސް ސޮސައިޓީ އޮފް މޯލްޑީވްސް
- މިޔަރު ޕްރޮގްރާމް
- ނައިފަރު ޖުވެނަިއލް
- ސަދާން ކޮމިއުނިޓީ އެމްޕަވަމަންޓް އެސޯސިއޭޝަން އޮފް މޯލްޑީވްސް
- ވެށި ސާފު
- ވިމަން އެންޑް ޑިމޮކްރެސީ
- ވިމަން އެމްޕަވަމަންޓް އެސޯސިއޭޝަން އޮފް ތިނަދޫ
އޭގެއިތުރުން މި ހަރަކާތުގެ ތެރެއިން އެމްވީ ޕްލަސް އިން ވަނީ "ރެސިޑެންސީ ރައިޓްސް: މައިގްރޭޝަން، އައިޑެންޓިޓީ، އެންޑް ބިލޮންގިން އިން ދަ މޯލްޑިވްސް" ގެ ނަމުގައި ޕެނަލް ޑިސްކަޝަނެއް ބާއްވާފަ އެވެ. އެ ޕެނަލުން ވަނީ މަރުކަޒީ ކުރުމާއި، އެތެރޭގެ ހިޖުރަކުރުމާއި، ރާއްޖެ ތެރޭގައި އައިޑެންޓިޓީއާއި ތަމްސީލުކުރުމުގެ ކޮމްޕްލެކްސް ޑައިނަމިކްސް ފަދަ މުހިންމު މައްސަލަތައް ދިރާސާކޮށްފަ އެވެ.
މި އެވޯޑް ޝޯވްގައި އެމްވީ ޕަލްސްގެ މެގަޒީންވެސް ވަނީ އިފްތިތާހުކޮށްފަ އެވެ. އެކަން އިފްތިތާހުކޮށްދެއްވީ މޭޔަރު އާދަމް އާޒިމްއާއި އެމްވީ ޕްލަސްގެ ޗީފް އެޑިޓަރު ނަޝްމާ މުހައްމަދު އެވެ.
