މި އިސްލާހު ހުށަހެޅުއްވީ ސަރުކާރުގެ ފަރާތުން ހުޅުދޫ ދާއިރާގެ މެންބަރު މުހައްމަދު ޝާހިދެވެ.
ގާނޫނުއަސާސީގެ 262 ވަނަ މާއްދާގެ (ށ) އަށް އިތުރު ނަންބަރެއް އިތުރުކުރުމަށް ހުށަހަޅައިފައިވާ އިސްލާހުގައިވާ ގޮތުން، ރައްޔިތުންގެ ހިޔާލު ހޯދަންޖެހޭ ކަމަށް ބުނާ މާއްދާ އިސްލާހުކުރެވޭނީވެސް ރައްޔިތުންގެ ވޯޓަކުން ރުހުން ލިބިގެންނެވެ.
މި އިސްލާހު ހުށަހަޅައިފައި މިވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެފައިވާ ބޮޑު ތިން ނިންމުމަކަށް ރައްޔިތުންގެ ވޯޓަކަށް ދާނެކަމަށް އިއުލާނުކުރެއްވުމަށް ފަހުގަ އެވެ. އެގޮތުން ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއްކޮށްލުމަށާއި ރިޔާސީ ދައުރު ބަދަލުވާ ދުވަސް ނޮވެމްބަރު 11 އަށް އަލުން ބަދަލުކުރުމަށާއި ރިޔާސީ އިންތިހާބު ފުރަތަމަ ބުރުން ކާމިޔާބުވާ ގޮތް ހެދުމަށް ރައްޔިތުންގެ ވޯޓަކަށް ދާން ނިންމަވާފައިވެ އެވެ.
މިހާރު ގާނޫނުއަސާސީގައިވާ ގޮތުން އަސާސީ ހައްގުތަކާއި މިނިވަންކަމުގެ ބާބާއި، މަޖިލީހުގެ އުމުރާއި، ރިޔާސީ ދައުރާއި ރައީސުލްޖުމްހޫރިއްޔާ އިންތިހާބުކުރާ ގޮތަށް ބަދަލު ގެންނަން ވާނީ ރައްޔިތުންގެ ވޯޓަކުން ފާސްވެގެންނެވެ.
- ގާނޫނުއަސާސީގެ 262 ވަނަ މާއްދާއަށް އިތުރު ނަންބަރެއް އިތުރުކުރަން ވަނީ ހުށަހަޅައިފަ
- ރައްޔިތުންގެ ވޯޓު ހޯދަންޖެހޭ މާއްދާ އިސްލާހުކުރެވޭނީވެސް ރައްޔިތުންގެ ވޯޓަކުން
- ރައީސް މުއިއްޒު ވިދާޅުވެފައިވާ ތިން ބޮޑު ނިންމުމަކަށް ރައްޔިތުންގެ ވޯޓަކަށް ދާން ނިންމަވާފައިވޭ
- އިސްލާހު ހުށަހެޅުއްވީ ހުޅުދޫ ދާއިރާގެ މެންބަރު މުހައްމަދު ޝާހިދު
