މިނސްޓަރު މާރިޔާ މިހެން ވިދާޅުވީ އުފެއްދުންތެރި މަސައްކަތްތެރިންގެ ޖީލެއް ބީނާކުރުމަށް އެކިއެކި ޕްރޮގްރާމްތައް ހިންގުން ފަހިކުރުމަށްޓަކައި އެމްއޭސީއެލް، އެމްޑަބްލިއުއެސްސީ އަދި ވިލާ ގްރޫޕް އާއެކު އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައެވެ.
މިނިސްޓަރު މާރިޔާ ވިދާޅުވީ މިހާރު ގައުމަށް ބޭނުންވާ ދާއިރާތަކުން ހުނަރުވެރިން އުފެއްދުމަކީ މިހާރަށް ވަރަށް ބޭނުން ޖެހިފައިވާކަމެއްކަމަށެވެ. އަދި މިހާރަކަށް އައިސް ގިނަ މީހުންނަށް ބެލެވިފައި އޮންނަނީ، ގަބޫލްކުރެވިފައި އޮންނަނީ އަބުރުވެރި މަސައްކަތަކަށް ވަނީ ޕްރޮފެޝަނަލް ވަޒީފާތަށްކަމަށެވެ. އެހެންނަމަވެސް ހުނަރުތަކުން ތަމްރީން ވެވިގެން ވަޒީފާތަކަށް ނިކުތުމަކީވެސް އަބުރުވެރި މަސައްކަތެއްކަމަށް މިނިސްޓަރު ވިދާޅުވިއެވެ.
މިނިސްޓަރު އިތުރަށް ވިދާޅުވީ މިހާރުވެސް ގްރޭޑް 10 އަކުން ނިމިފައިތިބި ދެ ހާހަށްވުރެ ގިނަކުދިން ނަށް ކެރިއާގައިޑޭންސް ދޭނެ މަގުތައް ހޯދަން ޖެހިފައިވާކަން ފާހަގަ ކުރެވިފައިވާކަމަށެވެ. އަދި މިފަދަ އެއްބަސްވުންތަކުގެ ސަބަބުން، ތަފާތު ދާއިރާތަކަށް ކުދިން އަހުލުވެރިކޮށް ހުނަރުތަކަށް ދަރިވަރުން ނެރުމަށް އެހީއަކަށް ވެގެންދާނެކަމަށެވެ.
