ގޯލްޑް ކަޕަކީ ރާއްޖޭގެ ފުޓްބޯޅައިގެ ފޯރި އަލުން ގަދަކުރުމުގެ އަމާޒުގައި މުޅި ރާއްޖެއަށް ހުޅުވާލައިގެން ބާއްވާ މުބާރާތެކެވެ. މުޅި ރާއްޖެއަށް ހުޅުވާލައިގެން ބާއްވާ މި މުބާރާތުގައި ޖުމްލަ 17 ޓީމެއް ވާދަކުރާއިރު، މި ޓީމުތައް ވަނީ ހަތަރު ގުރޫޕަކަށް ބަހާލާފައެވެ.
މިރެއިން ފެށިގެން އަންނަ ޑިސެމްބަރު މަހުގެ 25 ވަނަ ދުވަހުގެ ނިޔަލަށް ކުރިއަށްދާ މުބާރާތުގައި މީގެ ކުރިން 22 ޓީމެއް ބައިވެރިވި ނަމަވެސް، ފަސް ޓީމެއް ވަނީ ފަހުން މުބާރާތުން ވަކިވެފައެވެ.
މުބާރާތުގެ ގުރޫޕް ސްޓޭޖްތަކަށް ބަލާއިރު ގުރޫފް އޭގައި ހިމެނެނީ ފުވައްމުލަކު ސިޓީ އާއި، ދ. ކުޑަހުވަދޫ އާއި، ގދ. ފަރެސްމާތޮޑާ އަދި ހއ. ދިއްދޫ އެވެ. ގުރޫޕް ބީގައި ހިމެނެނީ މާލެ ސިޓީ އާއި، ތ. ތިމަރަފުއްޓާއި، ބ. އޭދަފުށި އަދި ބ. ތުޅާދޫއެވެ. ގުރޫޕް ސީގައި އައްޑޫ ސިޓީ އާއި، ޅ. ކުރެންދޫ އާއި، ކ. ހުރާ އަދި ކ. ގުރައިދޫ ހިނެނޭއިރު، ގުރޫޕް ޑީގައި ހިމެނެނީ ޅ. ނައިފަރާއި، ކ. މާފުއްޓާއި، ރ. އަލިފުށި ބ. ކެންދޫއެވެ.
ގޯލްޑް ކަޕްގެ އޯޕަނިން މެޗުގައި މިރޭ ކުޅޭ ކުޑަހުވަދޫއަކީ މި ދަނޑުގައި ކުރިން މިނިވަން ޗެމްޕިއަންޝިޕް ކާމިޔާބުކޮށް، ދިވެހި ލީގުވެސް ކުޅެފައިވާ ޓީމެވެ.
