މި ގިނިހިލަ ދުނިޔޭގައި އާބާދީ އޮންނަ ސަރަހައްދަކަށް ވެއްޓިއްޖެ ނަމަ ބޮޑެތި ގެއްލުންތަކެއް ލިބިދާނެ ކަމަށް ވެސް ނާސާއިން ބުނެފައިވެ އެވެ. މި ގިނިހިލައަކީ ލަންޑަންގެ "ބިގް ބެން" އާ އެއްވަރުގެ ބޮޑު ގިނިހިލައެކެވެ.
"2024 ވީކިއު 4" ގެ ނަމުން މި ގިނިހިލަ ފާހަގަކުރެވިފައިވާއިރު، މިއީ ދުނިޔެއަށް ސީދާ ނުރައްކަލެއް ކުރިމަތިވެދާނެ ގިނިހިލައެއް ނޫން ކަމަށް ނާސާއިން ބުނެފައިވެ އެވެ. ނަމަވެސް މި ގިނިހިލަ ދުނިޔެއާއި އެންމެ ކައިރިވާއިރު 5.4 މިލިއަން ކިލޯމީޓަރުހުންނާނެއެވެ. މިއީ ދުނިޔެއާއި ހަނދާ ދެމެދު ހުންނަ ދުރުމިނުގެ 14 ގުނަ އެވެ.
ނާސާގެ "ނިއަ އާތު އޮބްޖެކްޓް ސްޓަޑީސް ސެންޓަރު" އިން މި ގިނިހިލަ ގާތުން ބަލަމުން ގެންދާ ކަމަށް ބުނެފައިވެ އެވެ.
ނާސާއިން ބުނީ މި ފަދަ ގިނިހިލަތައް ދެނެގަތުމަށް "ޕެން-ސްޓާސް،" "ކެޓަލީނާ ސްކައި ސާވޭ" އަދި "ނިއޯވައިޒް" ފަދަ ވަރުގަދަ ޓެލެސްކޯޕްތަކާއި ރާޑާ ސިސްޓަމްތައް ބޭނުންކުރަމުން އަންނަ ކަމަށެވެ.
- 310 ފޫޓުގެ ބޮޑު ގިނިހިލައެއް ދުނިޔެއާއި އަންނަނީ ކައިރިވަމުން
- ދުނިޔެއާ އެންމެ ކައިރިވާނީ 5.4 މިލިއަން ކިލޯމީޓަރަށް
- ދުނިޔެއަށް ސީދާ ނުރައްކަލެއް ނެތް ކަމަށް ބެލެވޭ
- ނާސާއިން ހާއްސަ ވަސީލަތްތަކެއް ބޭނުންކޮށްގެން މި ގިނިހިލަ މޮނިޓަކުރަމުން ގެންދޭ
- ގިނިހިލައިގެ ނަމަކީ "2024 ވީކިއު 4"
