އިޒްރޭލުން ފަލަސްތީނަށް ދެމުންދާ ހަމަލާތަކާ ގުޅިގެން އެ ގައުމުގެ ޕާސްޕޯޓު މަނާކުރުމަށް ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް ހުށަހެޅުއްވި ބިލާ ގުޅިގެން މިއަދު ބޭއްވި ބައްދަލުވުމުގައި ވަނީ މިގޮތަށް ނިންމައިފއެވެ.
ކޮމިޓީން ނިންމި ގޮތުގައި އިޒްރޭލުން އަންނަ މީހުންގެ މައުލޫމާތު ހޯދުމުގެ އިތުރުން ހުރިހާ ސިޔާސީ ޕާޓީތަކާއި އެޓާނީ ޖެނެރަލްގެ އޮފީހާއި އިކޮނޮމިކް މިނިސްޓްރީ އާއި ޓޫރިޒަމް މިނިސްޓްރީ އާއި އިމިގްރޭޝަން އަދި މަޓީ އާއި އެހެނިހެން އެންޖީއޯތަކާ ވެސް ބައްދަލުކުރާނެ އެވެ.
މި މައްސަލަ މަޖިލީހަށް ހުށަހެޅީ މިދިޔަ މޭ 29 ގައި އެވެ. އެހެން ނަމަވެސް މައްސަލަ ލަސްވަމުންދާތީ އިދިކޮޅު އެމްޑީޕީ އާއި އާންމުންގެ ފާޑުކިޔުން އަމާޒުވެފައިވާ ކަމަށް ކޮމިޓީން ބުންޏެވެ. އަދި މި މައްސަލަ ނިމޭނެ ކަމަށް ލަފާކުރަނީ އަންނަ އަހަރުގެ ފެބްރުއަރީ މަހު ކަމަށް ވެސް ކޮމިޓީން ބުންޏެވެ.
