އޭދަފުށިން މިއަދު ހަވީރު ރަސްމީ ދަނޑުގައި ކުޅުނު މެޗު ކާމިޔާބު ކުރީ ބ. އަތޮޅު ތުޅާދޫއާ ވާދަކޮށް ފަސް ލަނޑު އެއް ލަނޑުންނެވެ.
މިއަދު ހަވީރު ކުޅުނު މެޗުގައި އޭދަފުށީގެ އަލީ ނަސީމް ހެދި ހެޓްރިކެއް ހެދިއެވެ. އަނެއް ދެ ލަނޑު ޖެހީ މުހައްމަދު އަޖުފާން އަދި ޖައުޝަން މުހައްމަދެވެ. ތުޅާދޫއަށް ސުން ކަނޑުވާލަދިނީ އަހްމަދު ހުސެއިނެވެ.
މުޅި ރާއްޖެއަށް ހުޅުވާލައިގެން ބާއްވާ މި މުބާރާތުގައި 17 ޓީމެއް ވާދަކުރާއިރު، މި ޓީމުތައް ވަނީ ހަތަރު ގުރޫޕަކަށް ބަހާލާފައެވެ.
މުބާރާތުގެ ގުރޫޕް އޭގައި ހިމެނެނީ ފުވައްމުލައް ސިޓީ އާއި، ދ. ކުޑަހުވަދޫ އާއި، ގދ. ފަރެސްމާތޮޑާ އާއި ދ. މީދޫ އަދި ހއ. ދިއްދޫއެވެ. ގުރޫޕް ބީގައި ހިމެނެނީ މާލެ ސިޓީ އާއި، ތ. ތިމަރަފުއްޓާއި، ބ. އޭދަފުށި އަދި ބ. ތުޅާދޫއެވެ. ގުރޫޕް ސީގައި އައްޑޫ ސިޓީ އާއި، ޅ. ކުރެންދޫ އާއި، ކ. ހުރާ އަދި ކ. ގުރައިދޫ ހިމެނޭއިރު، ގުރޫޕް ޑީގައި ހިމެނެނީ ޅ. ނައިފަރާއި، ކ. މާފުއްޓާއި، ރ. އަލިފުށި ބ. ކެންދޫއެވެ.
