ރައީސުލް ޖުމްހޫރިއްޔާގެ އޮފީހަށް ރައްދުވާ ގޮތަށް ކޯޓަށް މައްސަލައެއް ހުށަހަޅުއްވާފައިވަނީ ޑެޕިއުޓީ މިނިސްޓަރު މުހައްމަދު ރާގިބު އަހުމަދެވެ. މި މައްސަލަ ރާގިބު ހުށަހަޅުއްވާފައިވަނީ ހައިކޯޓަށެވެ. މައްސަލަ ހައިކޯޓަށް ހުށަހަޅާފައިވަނީ މިދިޔަ ހަފްތާގައެވެ. އެކަމަކު އެ މައްސަލަ ބަލައިގަތުމާމެދު ކޯޓުން އަދި ގޮތެއް ނުނިންމައެވެ. މައްސަލައިގެ ތަފްސީލެއްވެސް ނުލިބެއެވެ.
ރައީސުލް ޖުމްހޫރިއްޔާ އައްޔަންކުރައްވާ ސިޔާސީ މަގާމްތަކުގައި ތިއްބަވައިގެން، ދައުލަތާ ދެކޮޅަށް ވަކާލާތު ނުކުރެވޭނެ ކަމަށް ހައިކޯޓުން ކަނޑައަޅާފައިވަނިކޮށް، ރައީސް އޮފީހާ ދެކޮޅަށް ކޯޓަށް ރާގިބު ކޯޓަށް މައްސަލައެއް ހުށަހެޅިއިރު، ސިޔާސީ މަގާމްތަކުގައި ތިބެ ދައުލަތާ ދެކޮޅަށް ވަކާލާތު ނުކުރެވޭނެ ކަމަށް ކޯޓުން ނިންމީވެސް ރާގިބު ވަކާލާތު ކުރެއްވި މައްސަލައެއްގެ ތެރެއިންނެވެ.
ހައިކޯޓުން އެ ގޮތަށް ކަނޑައެޅީ، ކުޑަކުއްޖަކާއި އެކު ޖިންސީ އަމަލެއް ހިންގިކަމުގެ ކުށް ސާބިތުވެފައިވާ މީހެއް ދިފާއު ކުރުމުގައި ކުރިން ގާޒީކަންވެސް ކުރެއްވި ރާގިބު ކޯޓަށް ވަޑައިގެންނެވި މައްސަލައެއްގަ އެވެ.
