މަޖިލީހުގެ އަމީން އާއްމުގެ މަގާމުގައި ހުންނެވީ ފާތިމަތު ނިއުޝާއެވެ. ކައުންސެލް ޖެނެރަލަކީ ފާތިމަތި ފިލްޒާއެވެ. އަދި ސާޖެންޓް އެޓް އާމްސްގެ މަގާމުގައި ހުންނެވީ މޭޖާ ރިޓަޔަޑް ތަލްހަތު ހަސަންއެވެ.
އެ ތިން ބޭފޫޅުންވެސް އެ މަގާމުތަކުގައި ތިބުމަަށް މަޖިލީހުން މިއަދު ވަނީ ރުހުން ދީފައެވެ.
މިއަދުގެ މަޖިލީހުގެ ނެގި ވޯޓުގައި އަމީންއާއްމުގެ މަގާމުގައި ނިއުޝާ ބަހައްޓަން ފެންނަކަމަށް 79 މެންބަރުން ވޯޓް ދެއްވިއެވެ. ކައުންސެލް ޖެނެރަލް، ފިލްޒާގެ މަގާމު ދަމަހައްޓަން 80 މެންބަރުން ވަނީ ފެންނަކަމަށް ވޯޓް ދެއްވާފައެވެ. ސާޖެންޓް އެޓް އާމްސް، ތޮލްހަތުގެ މަގާމު ބަހައްޓަން ފެންނަކަމަށް ވޯޓް ދެއްވީ 80 މެންބަރުންނެވެ.
މަޖިލީހުގެ ގަވާއިދުގައި ވަނީ އެ ގަވާއިދަށް އަމަލު ކުރަން ފަށާތާ ދެ ދައުރު ހަމަވުމުގެ ކުރިން މަޖިލީހުން އެހެން ގޮތަކަށް ކަނޑަނާޅާހައި ހިނދަކު ހިނގަމުންދާ މަޖިލީހުގެ އަމީންއާންމާއި ކައުންސުލް ޖެނެރަލް އަދި ސާޖެންޓު އެޓް އާމްސްގެ މަގާމަށް މީހުން އައްޔަނު ކުރަންވާނެ ކަމަށެވެ.
