ރާއްޖޭގެ އިރުން ބޭއޮފް ބެންގަލްގައި އުފެދިފައިވާ ކޮޅިގަނޑު ކުރިއަށްއޮތް 24 ގަޑީރު ތެރޭ އިތުރަށް ބާރުގަދަވެ ، ބާރުގަދަ ކޮޅިގަނޑަކަށް ބަދަލުވާނެކަމަށް ބެލެވޭކަން މެޓް އޮފީހުން ބުނެއެވެ.
އެކޮޅިގަނޑު ދަތުރުކުރަމުން ދާނެކަމަށް ބެލެވެނީ ހުޅަނގު އުތުރަށް އިންޑިއާގެ ޓެމިލް ނާޑް، ސްރީލަންކާ އައްސޭރި ފަށަ ދިމާލަށްކަމަށް މެޓް އިން ފާހަގަކުރެއެވެ.
އޭގެއިތުރުން ރާއްޖެއާއި ދުރުން ، ރާއްޖޭގެ އިރު ދެކުނުގައިވެސް ކޮޅިގަނޑެއް އުފެދިފައިވާކަމަށާއި އެ ކޮޅިގަނޑާއި ގުޅިގެން މިމަހުގެ 27 ފެށިގެން ކުރިއަށް އޮތް 5 ދުވަހު ރާއްޖޭ ސަރަހައްދުގެ އާންމު ވައިބާރުވާނެކަމަށް ބެލެވޭކަމަށްވެސް މެޓް އޮފީހުން މައުލޫމާތުދެއެވެ.
މެޓް އޮފީހުން ބުނީ އާންމު ގޮތެއްގައި ދެކުނު ގެ އަތޮޅު ތަކަށް ގަޑިއަކު 15 މޭލާއި 25 މޭލާ ދެމެދުގެ ބާރުމިނުގައި އަދި އުތުރާއި މެދުރާއްޖެ ތެރޭގެ އަތޮޅުތަކަށް ގަޑިއަކު 13 މޭލާއި 23 މޭލާއި ދެމެދުގެ ބާރުމިނުގައި ވައިޖެހޭނެކަމަށް ބެލެވޭކަމަށެވެ. އެހެންކަމަށްވުމާއެކު ރާއްޖޭގެ ހުރިހާ ސަރަހައްދުތަަކަށް ކަަނޑުތައް ގަދަވާނެކަމަށް ލަފާކުރެވޭކަމަށްވެސް މެޓް އޮފީހުން ލަފާކުރެއެވެ.
އެފަދައިން މޫސުން ގޯސްވުމާއެކު ހުރިހާ ފަރާތްތަަކަށް އަދި ހާއްސަކޮށް ކަަނޑުދަތުރު ކުރައްވާ ފަރާަތްތަކުން މޫސުމަށް ސަމާލުވުމަށް މެޓް އޮފީހުްނ އިލްތިމާސްކުރެއެވެ. އަދި ލިބިދާނެ ގެއްލުންތައް ކުޑަކުރުމަށް ރައްކާތެރިކަމުގެ ފިޔަވަޅު އެޅުމަށް ވެސް އިލްތިލާސްކުރެއެވެ.
