ޕީޖީ އައްބާސް
ވައިގެ މަގުން މަސްތުވާތަކެތި އެތެރެކުރުން އިތުރުވެއްޖެ!
ގުފްތަގް އަޖީރު
25 ނޮވެންބަރ 2024 - 15:50:53
ވައިގެ މަގުން ދިވެހިރާއްޖެއަށް މަސްތުވާތަކެތި އެތެރެކުރުމުގެ މައްސަލަތައް މިދިޔަ އަހަރާ އަޅާބަލާއިރު ބޮޑުތަން އިތުރުވެއްޖެ އެވެ.
Advertisement
ޕްރޮސެކިއުޓަ ޖެނެރަލް އައްބާސް ޝަރީފް ވިދާޅުވި ގޮތުގައި މިއަހަރުގެ މިހާތަނަށް މަސްތުވާތަކެތި އެތެރެކުރުމުގެ 17 މައްސަލަ ކޯޓަށް ހުށަހަޅާފައިވެއެވެ. އަދި މަސްތުވާތަކެތި ޓްރެފިކްކުރުމުގެ 190 މައްސަލަ ވެސް ކޯޓަށް ހުށަހަޅާފައިވާ ކަމަށް އޭނާ ވިދާޅުވިއެވެ.
ޕީޖީ އައްބާސް ޝަރީފް ވިދާޅުވިގޮތުގައި "މިހާރު ހުށަހެޅިފައިވާ ގިނަ މައްސަލަތަކަކީ ވައިގެ މަގުން ދިވެހިރާއްޖެއަށް މަސްތުވާތަކެތި އެތެރެކުރުމުގެ،" މައްސަލަތަކެވެ.
މިއީ މިދިޔަ އަހަރުގެ އޮކްޓޫބަރު މަހުގެ ނިޔަލަށް ބަލާއިރު 112.5 ޕަސަންޓުގެ އިތުރުވުމެކެވެ. އަދި މަސްތުވާތަކެތި ޓްރެފިކްކުރުމުގެ މައްސަލަތައް 14 ޕަސަންޓު އިތުރުވެފައިވެއެވެ.
ޕީޖީ އައްބާސް މި މައުލޫމާތު ހާމަކުރެއްވީ އެމެރިކާގެ ޑިޕާޓްމަންޓް އޮފް ޖަސްޓިސްގެ ފަރާތުން ބޭއްވި "ސައުތު އޭޝިއާ ރީޖަނަލް ކައުންޓަ ނާކޮޓިކްސް ޓްރެފިކިން ޕްރޮގްރާމް" ގައި ދެއްކެވި ވާހަކައިގައެވެ.
މަސްތުވާތަކެތި ހިފެހެއްޓުމުގައި ފުލުހުންނާއި ކަސްޓަމްސްއިން ކުރަމުންދާ މަސައްކަތްތަކަށް ޕީޖީ ވަނީ މަރުހަބާ ކިޔުއްވާފައެވެ.
- މިއަހަރު މަސްތުވާތަކެތި އެތެރެކުރުމުގެ 17 މައްސަލަ ކޯޓަށް ހުށަހަޅާފައިވޭ
- މަސްތުވާތަކެތި ޓްރެފިކްކުރުމުގެ 190 މައްސަލަ ކޯޓަށް ހުށަހަޅާފައިވޭ
- މިދިޔަ އަހަރާ އަޅާބަލާއިރު މައްސަލަތައް 112.5 ޕަސަންޓު އިތުރުވެފައިވޭ
- ޓްރެފިކްކުރުމުގެ މައްސަލަތައް 14 ޕަސަންޓު އިތުރުވެފައިވޭ
- ގިނަ މައްސަލަތަކަކީ ވައިގެ މަގުން އެތެރެކުރަން އުޅުނު މައްސަލަތައް
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
