ރައީސް ޑރ. މުއިއްޒު ނޫސްވެރިންނަށް މައުލޫމާތ ދެއްވުމަށް ބޭއްވި ބައްދަލުވުމެއްގެ ތެރެއިން
އިސްރާއީލު ޕާސްޕޯޓު މަނާކުރުމުގެ ބިލު 15 ޑިސެންބަރުގެ ކުރިން ނިންމަން ރައީސް އިރުޝާދު
ގުފްތަގް އަޖީރު
25 ނޮވެންބަރ 2024 - 16:24:36
އިސްރާއީލު ޕާސްޕޯޓު މަނާކުރުމުގެ ބިލު މި މަހުގެ 15 ވަނަ ދުވަހުގެ ކުރިން ނިންމުމަށް ރައީސް ޑރ. މުހައްމަދު މުއިއްޒު މަޖިލިސް މެންބަރުންނަށް އިރުޝާދު ދެއްވައިފި އެވެ.
Advertisement
މިކަން ހާމަކުރައްވަމުން ވިލިމާލެ ދާއިރާގެ މެންބަރު މުހައްމަދު އިސްމާއީލު ވިދާޅުވި ގޮތުގައި މި ބިލަކީ ވަރަށް ބޮޑު މަސައްކަތްތަކެއް ކުރަންޖެހޭ ބިލެކެވެ. އަދި މި ބިލާ ގުޅިގެން ޓޫރިޒަމް ދާއިރާއާއި މަޓީއާ އެކު މަޝްވަރާކުރަން ޖެހޭ ކަމަށް އޭނާ ވިދާޅުވި އެވެ.
މުހައްމަދު އިސްމާއީލު ވިދާޅުވި ގޮތުގައި މި ބިލަކީ ރާއްޖެ ފަދަ ކުޑަ ގައުމަކުން އަޅާ ވަރަށް ބޮޑު ފިޔަވަޅެކެވެ. އެހެންކަމުން މި ބިލުގެ ސަބަބުން އިގުތިސާދަށް އަންނާނެ ބަދަލުތަކާއި އޭގެ އަސަރުތައް ރަނގަޅަށް ދިރާސާކުރަން ޖެހެއެވެ.
މަޖިލިސް މި ދައުރުގެ ޗުއްޓީއަށް ދާނީ 15 ޑިސެންބަރުގައި ކަމަށާއި، އޭގެ ކުރިން މި ބިލާ މެދު ގޮތެއް ނިންމާނެ ކަމަށް މުހައްމަދު އިސްމާއީލު ވިދާޅުވި އެވެ. އަދި މި ބިލުގެ މަސައްކަތް ކުރިއަށް ގެންދާނީ ގައުމަށް އެންމެ ލޮޅުން ކުޑަވާނެ ގޮތަކަށް ކަމަށްވެސް އޭނާ ވިދާޅުވި އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
