ފުލުހުން ބުނީ ހައްޔަރުކުރީ ގ. މާލެހިޔާ 2-02-13 ގައި ދިރިއުޅޭ ނައުޝާދު މޫސާ ކަމަށެވެ. އޭނާ ހައްޔަރުކޮށްފައިވަނީ ކޯޓު އަމުރެއްގެ ދަށުންނެވެ.
ފުރުގާން މިސްކިތަށް ގެއްލުން ދީފައިވަނީ މިދިޔަ ހޮނިހިރު ދުވަހުގެ ފަތިހު އެވެ. އާންމުވެފައިވާ ވީޑިއޯތަކުން ފެންނަ ގޮތުގައި މިސްކިތުގެ އިމާމު ނަމާދުކުރާ ސަރަހައްދުގައި ހުރި ކަރަންޓު ބޯޑުތަކާއި ވުލޫކުރާ ސަރަހައްދުގައި ހުރި އިސްކޫރުތަކަށް ގެއްލުން ދީފައިވެ އެވެ.
ދީނީ އިލްމުވެރިޔާ އާދަމް ނިޝާން ބުނެފައިވަނީ މިސްކިތަށް ގެއްލުން ދިނީ އެތަނުގައި އަބަދުހެން ނިދާފައި އޮންނަ ޒުވާނެއް ކަމަށެވެ. އަދި މީގެ ކުރިން ވެސް އެތައް ފަހަރަކު މިސްކިތަށް އެ ޒުވާނާ ގެއްލުން ދީފައިވާ ކަމަށް އޭނާ ތުހުމަތުކުރި އެވެ.
ފުލުހުން ބުނީ ހައްޔަރުކުރި މީހާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން، 15 ދުވަހަށް ބަންދުގައި ބެހެއްޓުމަށް ކޯޓުން އަމުރުކޮށްފައިވާ ކަމަށެވެ.
