މާޝެރާނޯއަކީ އިންޓަމިއާމީގެ ސްޓާ ޕްލެޔަރުން ކަމަށްވާ މެސީ އަދި ސުއަރޭޒްއާއެކު ކުރިން ބާސެލޯނާއަށް ކުޅުނު ކުޅުންތެރިއެކެވެ. އިންޓަމިޔާމީގެ އާ ކޯޗަކަށް މަޝެރާނޯ ހަމަ ޖެއްސީ ކުރިން އެ މަގާމުގައި ހުރި ކޯޗު ޖެރާޑޯ މާޓިނޯ "އަމިއްލަ ސަބަބުތަކަކާ ހުރެ" ކުއްލި ގޮތަކަށް އިސްތިއުފާ ދިނުމުންނެވެ.
އުމުރުން 40 އަހަރުގެ މަޝެރާނޯ ވަނީ ޕެރިސް އޮލިމްޕިކްސްގައި އާޖެންޓީނާގެ 20 އަހަރުން ދަށުގެ ޓީމަށް ކޯޗުކޮށްދީފައެވެ. ބާސާއަށް 203 މެޗު ކުޅުނުއިރު، މެސީއާ އެކު ކުޅުމުގެ އިތުރުން އޭނާ އަކީ މިހާރުގެ މިއާމީގެ ކުޅުންތެރިން ކަމަށްވާ ޖޯޑީ އަލްބާ އާއި ސާޖިއޯ ބުސްކެޓްސް އަދި ލުއިސް ސުއަރޭޒްގެ ޓީމް މެޓެކެވެ.
އާޖެންޓީނާގެ ފުޓްބޯޅަ އެސޯސިއޭޝަންގެ ޔޫތު ސެޓްއަޕްގައި އޭނާގެ ވަޒީފާގައި މަޝެރާނޯވަނީ މިއާމީގެ ކުޅުންތެރިން ކަމަށްވާ ޓޮމާސް އަވިލެސް، ފަކުންޑޯ ފަރިއާސް އަދި ފެޑެރިކޯ ރެޑޮންޑޯ އަށް ކޯޗުކޮށްދީފަ އެވެ.
ކުޅުމުގެ ކެރިއަރުގައި މަޝެރާނޯވަނީ ބްރެޒިލްގައި ކޮރިންތިއަންސްއަށް ސީޒަނެއް ހޭދަކުރުމުގެ ކުރިން އޭނާގެ ވަޒަނުގައި ރިވަރ ޕްލޭޓަށް ކުޅެފައެވެ. އެއަށްފަހު ބާސާއަށް ބަދަލުވުމުގެ ކުރިން އޭނާ ވަނީ އިންގްލެންޑްގައި ވެސްޓްހަމް ޔުނައިޓެޑާއި ލިވަޕޫލަށް ކުޅެފަ އެވެ.
ކޭމްޕް ނޫގައި ޑިފެންސިވް މިޑްފީލްޑަރުވަނީ ސްޕެއިންގެ ޗެމްޕިއަންކަން ފަސް ފަހަރު ހޯދާފައެވެ. އަދި އޭގެ އިތުރުން އޭނާވަނީ ދެ ފަހަރެއްގެ މަތިން ޗެމްޕިއަންސް ލީގު ކާމިޔާބުކޮށްފައެވެ.
