ކޮމަންޑު ގެއަކަށް ފެނަކައިން ބުނާ ބިލެއް ސޯޝަލް މީޑިއާގައި އަންނަނީ ދައުރުވަމުންނެވެ. އެ ބިލުގައިވާ ގޮތުން އެގޭ ކަރަންޓް ބިލަށް ވަނީ 412،000 ރުފިޔާ އަރާފައެވެ. މި ބިލް އާއްމުކުރި ޕޯސްޓްގައި ވަނީ އެ ގޭގައި މީހުން ނޫޅޭތާ މިހާރު ދެ މަސް ވެފައިވާ ކަމަށެވެ.
މިކަމާއި ގުޅިގެން ފެނަކައިން ބުނީ އެއީ އޮޅުމަކުން ހެދިފައިވާ ބިލެެއްކަމަށެވެ. އަދި އެ ބިލަކީ އަލަށް ހަރުކުރި މީޓަރެއްގެ ރީޑިން ނެގުމުގައި ދިމާވި އޮޅުމަކުން ހެދިފައިވާ ބިލެއްކަމަށްވެސް ފެނަކައިން ބުނެއެވެ.
އެ ބިލްގެ މައްސަލަ ފާހަގަވުމުން އެކަން ބަލާ އެ ގޭގެ ވެރިފަރާތައް އަންގާފައިވާކަމަށާއި ބިލް ރަނގަޅުކުރުމަށް ފަހު އަލުން ފޮނުވާފައިވާކަމަށްވެސް ފެނަކައިން ބުނެއެވެ.
4 ލައްކައިގެ ކަރަންޓް ބިލެއްގެ ވާހަކަ މި އާއްމުވީ ފަހަކަށް އައިސް ކަރަންޓް ބިލްތައް ބޮޑުވަމުން އަންނަކަމަށް ބުނެ ގިނަ ބަޔަކު ޝަކުވާ ކުރަމުން އަންނަ ދަނޑިވަޅެއްގައެވެ.
