އަނިޔާކޮށްފައި މޫދަށް އެއްލާލާފައި އޮތް މީހާ ނަގަނީ
މޫދުން، އަނިޔާވެފައި އޮއްވައި ފެނުނު މީހާ މަރުވެއްޖެ
އަލީ މިދުހަތު
27 ނޮވެންބަރ 2024 - 18:53:33
ދަރުމަވަންތަ ހޮސްޕިޓަލް ކައިރީ ބޭރު ތޮށި މޫދުން ޒަހަމްތަކާއެކު ފެނުނު މީހާ މަރުވެއްޖެ އެވެ.
Advertisement
ކުރިން ފުލުހުން ބުނީ، އެ މީހާ މޫދުން ނަގައިގެން އައިޖީއެމްއެޗަށް ގެންދިޔަ ކަަމަށެވެ.
އައިޖީއެމްއެޗާ ހަވާލާދީ ފުލުހުން ބުނީ، އަނިޔާވެފައި ވަނީ އޭނާގެ ބޮލަށް ކަމަށާއި ބެލެވެނީ ބޮލުގައި އުޅަނދަކުން ޖެހިފައިވާކަމަށެވެ.
ފުލުހުން ދެންމެ މީޑިއާތަކަށް ބުނީ އެ މީހާ މިހާރު މަރުވެފައިވާ ކަމަށެވެ.
އޭނާ އަށް އަނިޔާވީ، ތޮށިގަނޑާ ދިމާލުން ދުއްވާފައި ދިޔަ "އުޅަނދެއް" ގައި ޖެހިގެން ކަމަށް ބެލެވޭ ކަމަށް ފުލުހުން ބުނެފައިވެ އެވެ.
އުމުރުން 55 އަހަރުގެ މީހާ މޫދަށް އެރި އުޅުނު ސަރަހައްދުގައި ލޭންޑިން ކްރާފްޓެއް އޮތެވެ. މައުލޫމާތު ލިބިފައިވާ ގޮތުގައި އެމީހާއަށް އަނިޔާވީ އެ ލޭންޑިން ކްރާފްޓް އޭނާގެ ގައިމަތިން ދިޔުމުންނެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
