މިއަދު ނެރުނު އިއުލާނެއްގައި ފުލުހުން ބުނީ ބައެއް މީޑިާގެ ވަސީލަތްތަކުގައި ކުޑަކުދިންގެ މައުލޫމާތު އާންމުކުރާއިރު އެކުދިންގެ ކަރާމާތާއި ރައްކާތެރިކަަމަށް އުނިކަން އަންަނފަދަ މައުލޫމާތާއި ތަސްވީރުތައް އާންމުކުރަމުން ދިޔުމަކީ ކަންބޮޑުވުމެއް ކަމަށެވެ.
ކުޑަކުދިންގެ ހައްގުތައް ރައްކާތެރިކުރުމުގެ ގާނޫނު ، ގާނޫނު ނަންބަރު 2019/19 ގައި ކުޑަކުދިންގެ ކަރާމާތަށް އުނިކަން އަންނަގޮތަށް އެކުދިންގެ ޒާތީ މައުލޫމާތު އެއްވެސް ފަރާތަކުން އާންމުކޮށްގެން ނުވާނެކަމަށް ސާފުކޮށް ބަޔާންކޮށްފައި ވާކަމަށް ފުލުހުން ފާހަގަކުރެއެވެ. އެހެންނަަމަވެސް ބައެއް މީޑިއާގެ މަންޒަރުތަކުގައި ކުޑަކުދިންގެ މައުލޫމާތާއި ތަސްވީރު ، އެކުސދިންގެ ކަރާމާތަށް އުނިކަން އަންނަގޮތަށް ފަތުރަމުން ދިޔުމަކީ އެކުދިންގެ މަސްލަހަތު ރައްކާތެރިނުކުރެވި،ކުއްޖާ ނުރައްކަަލަށް ހުށަހެޅިދާނެ ކަމެއްކަމަށް ފުލުހުންގެ ހިދުމަތުން ދެކޭކަން އެފަރާތުން ބުނެއެވެ.
އެގޮތުން ހާއްސަކޮށް ކުޑަކުދިންގެ ފޮޓޯ މީސްމީޑިއާގައި ދައުރުވަމުން ދިޔުމަކީ އެކުދިްނގެ ނަފްސާނީ އަދި ޖިސްމާނީ ދުޅަހެޔޮކަމަށް ނޭދެވޭ އަސަރުކޮށްފާނެ ކަމެއްކަމަށް ފުލުހުން ބުނެއެވެ. އަދި އޭގެ ސަބަބުން ކުޑަކުދިން އެކި ބާވަތްތަކުގެ އަނިޔާތަަކަށް ހުށަހެޅުމުގެ ފުރުސަތު އިތުރުވެގެންދާނެކަމަށް ފުލުހުން ބުނެއެވެ.
އޭގެއިތުރުން އެކަން އެހެން އޮތްއިރު ، ކުޑަކުދިންގެ މައޫލޫމާތު އާންމުކުރާއިރު އެކުދިންގެ ކަރާމާތާއި ރައްކާތެރިކަން ނެގެހެއްޓުމަށް ހާއްސަ ސަމާލުކަމެއް ދިނުމަށާއި ކުޑަކުދިންގެ ފޮޓޯތަކާއި އެހެނިހެން ޒާތީ މައުލޫމާތު މީސްމީޑިއާގައާއި އެހެނިހެން މީޑިއާގއ ވަސީލަތްތަކުގައި ޝާއިއު ނުކުރުމަށާއި ،ކުޑަކުދންނާ ގުޅޭ މައުލުމާތު ހާމަކުރާއިރުގައި ގާނޫނީ އިމުގެ ތެރެއިން އަމަލުކުރުމަށް މީޑިއާތަކާއި އާންމު ރައްޔިތުންނަށް ފުލުހުން އިލްތިމާސްކުރެއެވެ.
