އަލިފުށިންވަނީ މިހާރު ކުރިއަށްދާ ގޯލްޑްކަޕްގައު ކުޅުނު ދެ މެޗުންވެސް މޮޅުވެފައެވެ. ހޮކޭ ބުނި ގޮތުގައި ދެ މެޗުންވެސް ޓީމު މޮޅުވުމުގައި އެންމެ ބޮޑު ދައުރެއް އަދާކުރި ބަޔަކީ މެދު ނުކެނޑި ޓީމަށް ހިއްވަރުދިން ސަޕޯޓަރުންނެވެ.
"ދަނޑުމަތީގައި އަޅުގަނޑުމެންނަށް ލިބޭ އެންމެ ބޮޑު ހިއްވަރަކީ ސަޕޯޓަރުންގެ ފަރާތުން އެ ލިބޭ ހިއްވަރު. އަލިފުށީ ޓީމުގެ ސަޕޯޓަރުން ހަގީގަތުގައި ދެ ރަމްޒުކޮށްދެނީ ހަމައެކަނި އަލިފުށްޓެއް ނޫން. އަޅުގަނޑު ހަމަ އުފަލާއެކު ފާހަގަ ކުރަން އަތޮޅުގެ ހުރިހާ ރަށަކުންވެސް އަޅުގަނޑުމެން ޓީމަށް ދެއްވާ ސަޕޯޓު. އިރާދަކުރެއްވިއްޔާ މުޅި އަތޮޅަށްޓަކައި އަޅުގަނޑުމެން މިތިބީ އެއް އަޒުމެއްގައި"
ކުރިން ގައުމީ ޓީމަށާއި ރާއްޖޭގެ ބޮޑެތި ހުރިހާ ކްލަބަކަށްހެން ކުޅެފައިވާ ހޮކޭ އަކީ އަލިފުށީ ޓީމު ލީޑު ކުރާ ކުޅުންތެރިޔާއެވެ. އޭނާގެ ތަޖުރިބާގެ ބޭނުން ދަނޑުމަތީގައި އެންމެ ފުރިހަމައަށް ފެންނައިރު، އަލިފުށީގެ ސަޕޯޓަރުން އަންނަނީ ކޮންމެ މެޗެއްގައިވެސް ބޮޑު ފޯރިއެއް ނަގަމުންނެވެ.
