މި މައްސަލައާ ގުޅިގެން އޮކްޓޯބަރު 30ގައި ހޯމް މިނިސްޓަރު އަލީ އިހުސާނާއި ކަސްޓަމްސްގެ ކޮމިޝަނާ ޖެނެރަލް ފާތިމަތު ދިޔާނާވެސް ކޮމެޓީއަށް ހާޒިރުކުރިއެވެ. އެދުވަހުގެ ބައްދަލުވުންވެސް ގެންދިޔައީ ސިއްރު ބައްދަލުވުމުގެ ގޮތުގައެވެ. ހާޒިރުކުރި 241 ކޮމިޓީގެ ބައްދަލުވުން ވެސް ސިއްރުކުރިއެވެ.
މި މައްސަލާގައި ފުލުހުން ހާޒިރުކުރި ކޮމެޓީ ސިއްރުކުރަން ހުށަހެޅުއްވީ ތުޅާދޫ ދާއިރާގެ މެންބަރު އަބްދުލްހަންނާނު އަބޫބަކުރެވެ. ކޮމިޓީގެ އިއްތިފާގުން އެ ބައްދަލުވުން ސިއްރުކުރަން ވަނީ ފާސްކޮށްފައެވެ.
ހޯކްސް ޕްރައިވެޓް ލިމިޓެޑްގެ އެޖެންޓްކަމުގެ ދަށުން ރާއްޖެ އައި "އެމް.ޓީ ހޯކްސް ޖަވާހިރު" ނަމަކަށް ކިޔާ ބޯޓަކުން ގިނަ އަދަދެއްގެ ސިނގިރޭޓް އެތެރެކުރަން އުޅުނިކޮށް ވަނީ އަތުލައިގެންފައެވެ.
'ހޯކްސް ބޯޓްޔާޑް' ބަލައިފާސްކުރުމުން، އެ ތަނުގައި ހުރި އެކޮމަޑޭޝަނުންނާއި ވޯކްޝޮޕުން މެންޗެސްޓާ ބްރޭންޑުގެ ސިނގިރޭޓު (ގާތްގަނޑަކަށް 1.695 މިލިއަން ސިނގިރޭޓް ސްޓިކްސް) ފެނިފއިވާކަމަށް ކަސްޓަމްސް އިން ވަނީ ބުނެފައެވެ. މި އަދަދަށް ބަލާނަމަ މީ 8،450 ކާޓަން ސިނިގިރޭޓްއެވެ. ވަކި ވަކި ފޮށިން ބަލާނަމަ މީ 84،500 ފޮއްޓެވެ.
