މި ބައްދަލުކުރެއްވުމުގައި ރައީސް މުއިއްޒު ވަނީ، ސަފީރުގެ ހައިސިއްޔަތުން ލީޒިން ކޮށްދެއްވާފައިވާ އަގުހުރި ހިދުމަތްތަކަށް ޝުކުރު އަދާކުރައްވާފައެވެ. އަދި ރާއްޖޭގައި އެކި ދާއިރާތަކުން ހިންގާ ތަރައްޤީގެ މަޝްރޫޢުތަކަށް އެހީތެރިކަން ފޯރުކޮށްދިނުމުގައި ޗައިނާއިން އަދާކުރާ މުހިންމު ދައުރުގެ މައްޗަށް ވާހަކަ ދައްކަވާފައެވެ. އަދުގެ ސަރުކާރުން، ވޮން ލީޒިންގެ ސަފީރުކަމުގައި ދެއްވަމުން ގެންދެވި އެއްބާރުލުމާއި އިރުޝާދު ފާހަގަކޮށް، ސަފީރަށް ރައީސް ވަނީ ޝުކުރު އަދާކުރައްވާފައެވެ.
ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ވަންގް ލިޒިންގެ ތިން އަހަރުގެ ދައުރު މިހާރު ވަނީ ހަމަވެފަ އެވެ.
މިސަރުކާރުގެ ވޭތުވެދިޔަ އެއްއަހަރުދުވަހުގެ ތެރޭގައި ހޯދާފައިވާ ކާމިޔާބީތަކާއި، ކުރިއެރުންތައް ފާހަގަކުރައްވައި، އެކަންކަމަށް މި ބައްދަލވުމުގައި ސަފީރު ވޮން ތައުރީފު ކުރައްވިކަމަށް ރައީސް އޮފީހުން ބުނެއެވެ. އަދި ދެ ޤައުމުގެ ދެމެދުގައި އޮންނަ ގުޅުން ބިނާކޮށްފައިވަނީ، އެއް ޤައުމުން އަނެއް ޤައުމަށް ކުރާ އިތުބާރާއި، ހިއްސާކުރާ މަސްލަހަތުތަކުގެ ތަރަހައިގެ މަތީގައިކަން ސަފީރު ފާހަގަކުރެއްވިކަމަށްވެސް ރައީސް އޮފީހުން ބުނެއެވެ.
ޗައިނާ އިން ރާއްޖެއަށް ކަނޑައަޅުއްވާފައި ހުންނަވާ ސަފީރުގެ މަގާމަށް ވަންގް ލިޒިން ވަޑައިގަތީ ސެޕްޓެމްބަރު 6، 2021 ގައެވެ
