މާލޭ މަގުތަކުގައި އުޅޭ ބުޅާތައް ނަގައިގެން ގެންދިޔުމަށް ހުޅުމާލޭ ދެވަނަ ފިޔަވަހީގައި ގާއިމުކުރި ބުޅާ ފެސިލިޓީ "އޮޅުހިޔާ" ހުޅުވީ މިމަހުގެ 2 ވަނދުވަހުއެވެ. އަދި މާލޭގެ މަގުތަކުން މިއަދު ބުޅާތަން ނަގަން ސިޓީ ކައުންސިލުން އޮތީ ނިންމާފައެވެ.
އެހެންނަމަވެސް އެތަނުގައި ފުރިހަމަ ކުރަންޖެހޭ ގިނަ ކަންތައްތަކެއް އަދި ނުނިމި ހުރިކަމަށައި އެތަނަށް މިވަގުތު ބުޅާ ގެންދިއުމަކީ އެކަށީގެންވާ ކަމެއް ނޫން ކަމަށް ބުނެ އެތަން ސަރުކާރާއި ހަވާލުކުރުމަށް ސިތީ ކައުންސިލަށް ވަނީ އަންގާފައެވެ.
މާލެ ސިޓީ ކައުންސިލުގެ މިއަދުގެ އާންމު ޖަލްސާގައި މާލެ ސިޓީގެ މޭޔަރު އާދަމް އާޒިމް ވިދާޅުވީ ފެސިލިޓީ މިނިސްޓްރީއާ ހަވާލުކުރުމަށް އަންގާ އިއްޔެ ސިޓީ ފޮނުވާފައިވާކަމަށެވެ. އަދި އެކަމާއި ގުޅާ މަޝްވަރާތަކަށް މިނިސްޓްރީން ދައުވަތު ދީފައިވާކަމަށާއި އެ ނިންމުމަކީ ރައީސް ޑރ. މުޙައްމަދު މުއިއްޒުގެ ނިންމުމަކަށް ވާތީ އެކަމަށް އިހުތިރާމް ކުރުމުގެ މަޝްވަރާތަކަށް ދާނެކަަމަށް މޭޔަރު އާޒިމް ވިދާޅުވިއެވެ. ސަބަބެއްކަމަށް ވިދާޅުވީ ސަރުކާރާއި ގުޅިގެން މަސައްކަތް ކުރަން ބޭނުންވުންކަމަށް އާޒިމް ވިދާޅުވިއެވެ.
އާޒިމް ވިދާޅުވީ ކައުންސިލްގެ ހަރަދުގައި ތަނުގެ މުވައްޒަފުންގެ ބުރަ މަސައްކަތު ހެދިތަން ސަރުކާރުން އަތުލަން ނިންމީ އެތަނަށް ބުޅާތައް ގެންދަން ތައްޔާރުވެފައި ވަނިކޮށްކަމަށެވެ.
މި ވާހަތަކާއި ގުޅިގެން މެމްބަރުން ވަނީ ބުޅާ ފެސިލިޓީ ސަރުކާރާއި ހަވާލުކުރާނަމަ އެތަނަށް ކައުންސިލުން ކުރި ހަރަދު ހޯދުމަށް އެއްބަސްވުމުން ނޫނީ ތަން ހަވާލު ނުކުރުމަށެވެ. އަދި އެތަނަށް ބުޅާތައް ގެންދަން ފަށާނެ ދުވަހެއް ޔަގީންކުރަންވެސް މެމްބަރުން ވަނީ އެދިފައެވެ.
ތަނަށް ދިޔަ ހަރަދު ހޯދަން ޑެޕިއުޓީ މޭޔަރު އަހުމަދު ނަރީޝް ވަނީ ޖަލްސާގައި ހުށައަޅާފައެވެ. މި ހުށައެޅުން ހުރިހާ މެމްބަރުންހެ ތާއިދާއެކު ވަނީ ފާސްކޮށްފައެވެ.
