މި ވާހަކަ އެކަމަނާ ވިދާޅުވީ ސަފީރުކަމުގެ ދައުރު ނިމުމާ ގުޅިގެން މީސްމީޑިއާގައި ކުރެއްވި ވަދާއީ މެސެޖެއްގައެވެ.
ސަފީރު ވަން ލިޝިން ވިދާޅުވި ގޮތުގައި 2022 ވަނަ އަހަރަކީ ދެ ގައުމުގެ ގުޅުމަށް 50 އަހަރު ފުރުނު އަހަރެވެ. އަދި މި 50 އަހަރުގެ ތެރޭގައި ސައިޒުގެ ގޮތުން ތަފާތު ދެ ގައުމަކަށްވެސް ހަމަހަމަ ގުޅުމެއް ބޭއްވިދާނެކަން ސާބިތުވެފައިވާ ކަމަށް އެކަމަނާ ވިދާޅުވެއްޖެއެވެ.
މި އަހަރުގެ ކުރީކޮޅު ރައީސް މުއިއްޒު ޗައިނާއަށް ކުރެއްވި ދަތުރުފުޅުން ދެ ގައުމުގެ ގުޅުން އާ ހަރުފަތަކަށް ގޮސްފައިވާ ކަމަށް ސަފީރު ވިދާޅުވިއެވެ. އަދި ވިލިމާލޭގައި އަޅާ 100 އެނދުގެ ހޮސްޕިޓަލާއި މާލޭގެ މަގުތައް ތަރައްގީ ކުރުމުގެ މަޝްރޫއުތައް ހަލުވި ދުވެއްޔެއްގައި ކުރިއަށްދާނެ ކަމަށްވެސް އެކަމަނާ ވިދާޅުވިއެވެ.
ސަފީރުގެ ވަދާއީ މެސެޖު ނިންމަވާލެއްވީ ދެ ގައުމުގެ ވެރިންގެ އިރުޝާދާއެކު މި ގުޅުން އިތުރަށް ވަރުގަދަވެގެންދާނެ ކަމަށް އުއްމީދު ކުރައްވާ ކަމަށް ވިދާޅުވަމުންނެވެ. އަދި އެކަމަނާގެ ސަފީރުކަމުގެ ދައުރުގައި ރާއްޖެއިން ލިބުނު އެއްބާރުލުމަށް ޝުކުރު އަދާކުރެއްވިއެވެ.
