ads
ވިނަރެސް ޓަވަރުން ކާރު ޕާކިންނަށް ގަންނަން ހުޅުވާލި މުއްދަތު އިތުރުކޮށްފި
ވިނަރެސް ޓަވަރުތަކުން ކާރު ޕާކު ކުރާނެ ޖާގަ ދޫކުރަން ހައުސިން ޑެެވެލޮޕްމެންޓް ކޯޕަރޭޝަން (އެޗްޑީސީ)ން ހުޅުވާލައިފި މުއްދަތު އިތުރުކޮށްފިއެވެ.
Advertisement

ވިނަރެސް ޓަވަރުތަކުން ކާރު ޕާކު ކުރާނެ ޖާގަ ބޭނުންވާ ފަރާތަކަށް އެކަމަށް ކުރިމަތިލުމަށް މިދިޔަ މަހުގެ 26 ގައި ހުޅުވާލި ފުރުސަތު ހަމަވީ އިއްޔެގެ ނިޔަލަށެވެ. އެހެންނަމަވެސް ެއެ މުއްދަތު މިމަހުގެ 12 ގެ ނިޔަލަށް މިހާރު އިތުރުކޮށްފައިވާކަމަށް އެޗްޑިސީން ބުނެއެވެ.

ވިނަރެސް ޓަވަރުތަކުން  ދޫކުރުމަށް ހަމަޖެހިފައިވާ 154 ޕާކިން ޖާގައިގެ ތެރެއިން 76 ޖާގަ ދޫކުރަނީ ވިނަރެސް އިމާރާތުގެ ތެރެއިންނެވެ. އޭގެތެރެއިން 76 ޖާގަ ކާރު ރެޖިސްޓާ ކުރުމަށް ބޭނުންކުރެވޭނެއެވެ. އަދި ބާކީ 78 ޖާގަ ދޫކުރަނީ ހަމައެކަނި ޕާކުރުމަށެވެ.  

ޕާކިން ޖާގައަށް އެދި ހުށަހެޅުމުގެ ޝަރުތުތަކުގެ ތެރޭގައި ހިމެނެނީ:

  • ވިނަރެސް މަޝްރޫއިން ފްލެޓު ގަތުމުގެ އެއްބަސްވުމުގައި ސޮއިކޮށްފައިވާ މައި-އެޕްލިކަންޓް ކަމުގައިވުން
  • ޑިސެންބަރު ފަހެއްގެ ނިޔަލަށް އެޗްޑީސީއަށް އެއްވެސް ފައިސާއެއް ދައްކަންޖެހި، އެ ފައިސާ ނުދައްކައިވާ ފަރާތެއް ކަމުގައިނުވުން.

ވިނަރެސް ފްލެޓްތަކުން ވިއްކަން ނިންމާފައިވާ ޕާކިންތައް ގަންނަނަށް ހުޅުވާލި ފުރުސަތުގެ މުއްދަތު އިތުރުކުރިއިރު އެ ޕާކިންތައް ވިއްކަން ނިންމި ނިންމުން ބާތިލްކޮށްދިނުމަށް އެދި އެތަނުގައި ދިރިއުޅޭ މީހުން އެޗްޑީސީ އަށް  ވަނީ ޕެޓިޝަނެއް ހުށައަޅާފައެވެ. 

400 މީހުން ސޮއިކޮށްފައިވާ ޕެޓިޝަންގައި ވިނަރެސް ޓަވަރުތަކުގެ ވޯކްވޭ އަދި ޑްރައިވްވޭ މިހާރު ވަކިކޮށްފައި ނުވުމުގެ ސަބަބުން ޑްރައިވްވޭ އަށް ވަންނަ ކާރުތަކާއި ޕާކުކުރުމަށް ވަންނަ ކާރުތަކުގެ ސަބަބުން ޑްރައިވްވޭގެ ރައްކާތެރިކަމާއި ގުޅޭގޮތުން ކަންބޮޑުވުން ވަނީ ފާޅުކޮށްްފައެވެ.  

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް