
މިގޮތުން އެ މާކެޓުން މިހާރު އަހަރަކު 26،000 ޓޫރިސްޓުން ރާއްޖެއަށް ޒިޔާރަތްކުރާ ކަމަށް ޓޫރިޒަމް މިނިސްޓަރު އިބްރާހިމް ފައިސަލް ވަނީ ވިދާޅުވެފައެވެ.
"އެމްއެމްޓީވީ" މެދުވެރިކުރައްވައި މިނިސްޓަރު ފައިސަލް ވިދާޅުވީ ކުރިން އަހަރަކު 5،000 ޓޫރިސްޓުން އައި ބަންގުލަދޭޝް މާކެޓުން މިހާރު އަންނަ އަދަދު ވަނީ 26،000 އާ ހަމައަށް އިތުރުވެފައި ކަމަށެވެ.
މިނިސްޓަރު ފައިސަލް ވިދާޅުވީ މިއީ ރާއްޖެ މާކެޓު ކުރުމަށް ކުރެވުނު ގިނަ މަސައްކަތްތަކުގެ ނަތީޖާއެއްގެ ގޮތުން ކަމަށެވެ. އަދި ހަކަތަ ހުރި އިގްތިސާދުތަކުގައި ރާއްޖެ އިޝްތިހާރު ކުރުމަށް މި އަހަރު ބޮޑު އިސްކަމެއް ދެވުނު ކަމަށް ވެސް ވިދާޅުވި އެވެ.
އަންނަ އަހަރު އިތުރު މާކެޓުތަކެއްގައި ރާއްޖެ އިޝްތިހާރު ކުރުމަށް ރޭވިފައިވާ ކަމަށާއި، އޭގެ ތެރޭގައި އެފްރިކާ އާއި ބްރެޒިލްގެ މާކެޓު ހިމެނޭ ކަމަށް މިނިސްޓަރު ފައިސަލް ވިދާޅުވި އެވެ.