ads
ގަލޮޅު ސިޓީ ޕާކު ތަރައްގީކުރަން ފެށުމުގެ ތެރެއިން މޭޔަރު އާޒިމާއި ބައއް ކައުންސިލަރުންގެ އިތުރުން ގަލޮޅުގެ އިސްރަށްވެހިން
މިހާރުގެ މޭޔަރުވެސް ގަލޮޅު ސިޓީ ޕާކު ތަރައްގީކުރަން ފަށައިފި
ކުރީގެ ބައި އިންޖީނުގެ ހުރި ބިމުގައި އޮތް ގަލޮޅު ސިޓީ ޕާކު އާއްމުކޮށް ހުލުވާލަން ނިންމާ ތަން ސާފުކޮށް އެތަން ތަރައްގީކުރުމުގެ އަމަލީ މަސައްކަތް މިހާރުގެ މޭޔަރު އަލީ އާޒިމްވެސް ފައްޓަވައިފިއެވެ.
Advertisement

އާއްމުންނަށް ބޭނުންކުރަން ޕާކެއްގެ ގޮތުގައި ކުރިންވެސް ތަރައްްީކޮށްފައިވާ ސިޓީ ޕާކު ބަންދުކުރީ ރައީސް ޑރ. މުހައްމަދު މުއިއްޒު މާލެ ސިޓީގެ މޭޔަރުގެ މަގާމުގައި ހުންނެވިއިރު ސިޓީ ޕާކު ތަރައްގީކުރަންކަމަށް ބުނެ 2022 ވަނަ އަހަރުގެ އޮކްޓޫބަރު މަހުގެ 14 ވަނަދުވަހުއެވެ. 

އޭރުގެ މޭޔަރު މިހާރުގެ ރައީސް ޑރ މުއިއްޒު ވިދާޅުވީ އެ ޕާކު ތަރައްޤިކުރަން ބަޖެޓް ނެތް ނަމަވެސް ސިޓީ ކައުންސިލުން އަމިއްލަ ހަރަދުގައި ނަމަވެސް އެކަން ކުރައްވާނެކަމަށެވެ.

2022 ގައި ބަންދުކުރި ތަނުގައި އެއްވެސް މަސައްކަތެއް ނުހިނގާ ގަސް ހެދި ބޯވެފައިވަނިކޮށް އެތަން ސާފުކޮށް އާއްމުންނަށް ހުޅުވާލުމުގެ މަސައްކަތް އަލުން މިހާރު މޭޔަރު އާދަމް އާޒިމް ފެއްޓެވީ މިދިޔަ ސެޕްޓެމްބަރު މަހުގެ ކުރީކޮޅު އެވެ.

ކައުންސިލުން އިއްޔެ ވަނީ އެތަން ތަރައްގީކުރުމުގެ އަމަލީ މަސައްކަތް އަލުން ފަށާފައެވެ. މިފަހަރު މަސައްކަތް ފައްޓަވާ ދެއްވީ މޭޔަރު އާދަމް އާޒިމްއެވެ. މިކަމަށް ބޭއްވި އިވެންޓްގައި ގަލޮޅުގެ އިސް ރަށްވެހިންވެސް ބައިވެރިވިއެވެ.

your imageގަލޮޅު ސިޓީ ޕާކު ތަރައްގީކުރަން ފެށުމުގެ ތެރެއިން

ގަލޮޅު ސިޓީ ޕާކު މިފަހަރުވެސް ތަރައްގީ ކުރަނީ ކުރީގެ މޭޔަރު ޑރ. މުއިއްޒުގެ ދުވަސްވަރު އެތަން ތަރައްގީކުުރަން ނިންމާފައިވާ ކަންކަން ހިމަނައިގެންނެވެ. 

ޕާކުގެ ސްޕޯޓްސް އޭރިޔާގައި ބެޑްމިންޓަން ކޯޓަކާއި 3އޮން3 ބާސްކެޓްބޯލް ކުޅޭނެ ކޯޓެއް ތަރައްގީކުރަން ވަނީ ނިންމާފައެވެ. މީގެއިތުރުން ކުޑަކުދިން ކުޅޭ ސަރަހައްދަކާއި އާންމުން ކަސްރަތު ކުރުމަށް އައުޓްޑޯ ޖިމް އަކާއި އިވެންޓްތައް ބާއްވަން ސަރަހައްދެއް ހަދާނެކަަމަށް ސިޓީ ކައުންސިލުން ބުނެއެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް