ތައިލެންޑަށް ރާއްޖެއިން ކަނޑައަޅުއްވާފައި ހުންނަވާ ސަފީރުގެ މަގާމަށް ފުއާދު ތައުފީގު އައްޔަނު ކުރަން ފެންނަ ކަމަށް މަޖިލީހުން ފާސްކުރީ ވޯޓުގައި ބައިވެރިވި 58 މެންބަރުންގެ އިއްތިފާގުންނެވެ.
އިލެކްޝަން ކޮމިޝަންގެ ރައީސްކަމުގެ މަގާމުގައި ހުންނެވި ފުއާދު ތައުފީގު ސަފީރަކަށް އައްޔަމްކުރަން އޭނާގެ ނަން ރައީސް ޑރ. މުއިއްޒު މަޖިލިހަށް ފޮނުއްވީ ފުއާދުގެ ދައުރު ފުރިހަމަވެ އެ ކޮމިޝަނުގެ މެމްބަރުކަމުން ވަކިވި ދުވަހާއި ޖެހިގެން އައި ދުވަހުއެވެ
އިލެކްޝަންސް ކޮމިޝަންގައި މެމްބަރުންގެ ތެރެއިން ކޮމިޝަންގައި އެންމެ ގިނަ ދުވަސްވީ އެއް މެމްބަރަަކީވެސް ފުއާފު ތައުފީގެވެ.
ފުއާދުގެ ތައިލެންޑްގެ ސަފީރުކަމަށް އައްޔަންކުރަން ފެންނަކަމަށް ހާރިޖީ ގުޅުންތަކާ ބެހޭ ކޮމިޓީން ނިންމީ އެ ކޮމެޓީން މިއަދު ބޭއްވި ބައްދަލުވުމުގައި ބައިވެރިވި މެމްބަރުންގެ އަގުލަބިއްޔަތުންނެވެ.
ފެހި ގާނޫނު އަސާސީ ގެ ދަށުން ފުރަތަމަ އެކުލަވާލި އިލެކްޝަންސް ކޮމިޝަންގެ މެމްބަރުކަންވެސް ފުއާދު ވަނީ ކުރައްވާފައެވެ. ފުއާދަކީ އޭރު ރާއްޖޭގައި އޮތް ހުރިހާ ސިޔާސީ ޕާޓީއަކުން ރުހިގެން އެފަހަރު ކޮމިޝަނަށް އައްޔަން ކުރި މެމްބަރެކެވެ.
ރާއްޖޭގެ ފުރަތަމަ ފަހަރަށް ބޭއްވި މަލްޓި ޕާޓީ ފުރަތަމަ ރިޔާސީ އިންތިހާބުގައި ފުއާދު ވަނީ ކޮމިޝަންގައި މުހިއްމު މަސައްކަތްތަކެއް ކުރައްވާފައެވެ.
2008 ވަނަ އަހަރުން ފެށިގެން 2014 ގެ ނިޔަލަށް ފުއާދު ވަނީ ކޮމިޝަންގެ މެމްބަރުކަން ކުރައްވާފައެވެ. 2013ގެ ރިޔާސީ އިންތިހާބާއި އެކު ސުޕްރީމްކޯޓުން ފުއާދުގެ މައްޗަށް އިއްވި ހުކުމާއި އެކު 2014 ވަނަ އަހަރު އޭނާ ވަނީ ކޮމިޝަނުން މަގާމުން ވަކިކޮށްފައެވެ.
އީސީގެ މެމްބަރު ކަމަށް ފަހުން ފުއާދު އައްޔަންކޮށްފައިވަނީ ރައީސް އިބްރާހިމް މުހައްމަދު ސާލިހްގެ ވެރިކަމުގައި 24 ނޮވެމްބަރު 2019ގައެވެ. އޭގެ ފަހުން މިހާރު ހުންނެވި ކޮމިޝަންގެ ރައީސްކަމަށް ފުއާދު އައްޔަންކުރެއްވީ 2021 ވަނަ އަހަރު އެވެ
