ސިފައިން ބުނީ، އިމާރާތުގެ އެތެރެއިން އަދިވެސް އެއްކޮށް އަލިފާނުގެ އަސަރު ފިލުވައި ނުލެވޭކަމަށެވެ.
މިއަދު ހައުސިން މިނިސްޓްރީއާއި ކޮންސްޓްރަކްޝަން މިނިސްޓަރީ ހިންގަމުން ގެންދިޔަ ގްރީން ބިލްޑިންގައި އަލިފާން ރޯވެފައިވަނީ މިއަދު ހެނދުނު 7:15 ހާއިރުއެވެ. އަދި ހެންދުނު 9 ޖެހި ފަހުން އަލިފާން ކޮންޓްރޯލްވި ނަމަވެސް އަލިފާންގަނޑު ނިއްވައެއް ނުލެވެއެވެ.
އަލިފާން ކޮންޓްރޯލް ކުރުމަށް އެއާޕޯޓުގެ ފައިޔާ ޑިޕާޓުމަންޓުގެ އެހީތެރިކަންވެސް ހޯދިއެވެ.
މި ހާދިސާގައި ތިން މިނިސްޓްރީއަކާއި، މާލޭ ސިޓީ ކައުންސިލްގެ އިމާރާތަކަށް ގެއްލުންވި ނަމަވެސް، އެ އިމާރަތްތަކުގައި މަސައްކަތް ކުރާ އެއްވެސް މީހަކަށް އަނިޔާ ނުވެއެވެ.
ސިފައިން ވަނީ ކައިރި ގޭތަކުގައި ތިބި މީހުން ވެސް ރައްކާތެރި ސަރަހައްދުތަކަށް ގެންގޮސްފައެވެ.
ހައުސިން މިނިސްޓްރީ، ކޮންސްޓްރަކްޝަން މިނިސްޓްރީ އަދި އެންވަޔަރަމެންޓް މިނިސްޓްރީގައި ރޯވި އަލިފާނުގެ ހާދިސާގައި މާލޭ ސިޓީ ކައުންސިލްގެ ވައިޓަލް ރެޖިސްޓްރޭޝަން އޮފީހުގައި ވެސް އަލިފާން ރޯވެ، މުހިންމު ލިޔެކިޔުންތަކެއް ވަނީ އަނދާފައެވެ.
