ކެފޭއަށް ވަން މިީހުން އެތަނަށް ގެއްލުން ދެނީ
ބަޔަކު ކެފޭއަކަށް ވަދެގަނެ ގެއްލުން ދިން މައްސަލައެއް ބަލަނީ
މުހައްމަދު އާދަމް އަހްމަދު
12 ޑިސެމްބަރ 2024 - 21:33:11
މާލޭގެ ކެފޭއެއްގެ ތެރެއަށް ބަޔަކު މީހުން ގްރޫޕް ހަދާފައި ވަދެ އެ ތަނުގެ މުދަލަށް ގެއްލުންދީ މުވައްޒަފުންނަށް އިންޒާރު ދިން މައްސަލައެއް ފުލުހުން ބަލަން ފަށައިފިއެވެ.
Advertisement
މި މީހުން މިއަދު މެންދުރުގެ ވަގުތެއްގައި ވަދެގަނެ ގެއްލުން ދީފައިވަނީ ހަވީރީ ހިނގުމުގައި ހުންނަ "ލެޓްސް ކޮފީ" ކެފޭއަށެވެ. މި ތަނަށް ވަދެގަނެ ތަކެއްޗަށް ގެއްލުން ދިނީ ތިން މީހަކު ވެގެންނެވެ.
މި ހާދިސާގައި ވީޑިއޯ ވަނީ އާއްމުވެފައެވެ. އެ ވީޑޯއިން ފެންނަނި މި ތިން މީހުން ކެފޭގެ ތެރެއަށް ވަދަގެން ގޮސް އެތަން ޑެކްރޭޓްކުރަން ހުރި ތަކެއްޗަށް ގެއްލުންދޭ ތަނެވެ. އަދި އެ ވަގުތު އެތަނުގައި ތިބި ދެ އަންހެން މުވައްޒަފަކަށް އިންޒާރުދޭ ތަން ވެސް ފެނެއެވެ. އެ ދެ މުވައްޒަފުންނަކީ މި މީހުން ކުރަމުންދިޔަ ކަންތައް ވީޑިއޯ ކުރަމުން ދިޔަ މީހުންނެވެ. އެމީހުންނަށް އިންޒާރުދީ ވީޑިއޯ ޑިލީޓްކުރަންވެސް އަންގާ އަޑު އިވެއެވެ.
ތަނުގައި ހުރި ތަކެއްޗަށް ގެއްލުން ދެމުން މި މީހުން ބުނަމުން ދިޔައީ "މިއީ ދިވެހިރާއްޖެ ކަމަށާއި މިތަނުގައި އެކަން ނުކުރެވޭނެ" ކަމަށެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
