ads
ހުޅުމާލޭގައި ހުރި ޓެކްސީ ޕާކިން ޒޯނެއް
ޓޯކުރި ޓެކްސީތަކަށް ފަހިރައިޑުން 3 މަހުގެ މަހުފީ ހިލޭ
ބުދަ ދުވަހު ހަވީރު ކުރިއަށް ގެންދިޔަ ސުލްހަވެރި އިހުތިޖާޖާ ގުޅިގެން ޓޯކުރެވުނު ޓެކްސީތަކަށް ފަހިރައިޑް އެޕްލިކޭޝަނުން ތިން މަސް ދުވަހުގެ މަހުފީ ހިލޭކޮށްދޭން ނިންމައިފި އެވެ.
Advertisement

ފަހިރައިޑުން ބުނެފައިވަނީ ނިންމާފައިވަނީ ޓެކްސީ ޑްރައިވަރުންނަށް އެހީތެރިވުމުގެ ގޮތުން ކަމަށެވެ. މި ކަން އާންމުކޮށްފައިވަނީ ބުރާސްފަތި ދުވަހުގެ ރޭ ސޯޝަލް މީޑިއާގައި ޕޯސްޓެއް ކޮށްގެންނެވެ.

އިހުތިޖާޖުގައި ބައިވެރިވި ޑްރައިވަރުން ބުނީ ސަރުކާރުގެ ސިޔާސަތުތަކުގެ ސަބަބުން އާމްދަނީ ހޯދުމަށް ކުރަމުން އައި މަސައްކަތަށް ބޮޑެތި ހުރަސްތަކެއް ކުރިމަތިވެފައިވާ ކަމަށެވެ. އަދި މި ކަން ސަރުކާރުގެ ސަމާލުކަމަށް ތަކުރާރުކޮށް ގެނެސްފައިވީ ނަމަވެސް އެދެވޭ ހައްލެއް ނުލިބޭ ކަމަށެވެ.

އިހުތިޖާޖާ ގުޅިގެން 20 އަށްވުރެ ގިނަ ޓެކްސީ ފުލުހުންގެ ބެލުމުގެ ދަށަށް ގެންގޮސް، ތިން ޑްރައިވަރަކު ހައްޔަރުކޮށްފައިވެ އެވެ. އޭގެ ތެރެއިން ދެ މީހަކަށް ފަސް ދުވަހުގެ ބަންދުގެ މުއްދަތު ކޯޓު މެދުވެރިކޮށް އިތުރުކޮށްފައިވެ އެވެ. ނަމަވެސް ހުކުރު ވިލޭރެއާ ހަމައަށް 12 ވަރަކަށް ޓެކްސީ ދޫކޮށްލާފައިވާ ކަމަށް މައުލޫމާތު ލިބެ އެވެ.

0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް