އަލިފާނުގެ ހާދިސާއަށް ފަހު ދައުލަތުގެ މީޑިއާ ވާހަކަ ދައްކަވަމުން މިނިސްޓަރު ހައިދަރު ވިދާޅުވީ އިއްޔެ ހާދިސާގައި ސަލާމަތްވީ މަދު ލިޔުންތަކެއްކަމަށާއި ގެއްލުނު ލިޔެކިޔުންތައް ރިކަވާ ކުރެވޭތޯ ބަލަމުން އަންނަކަމަށެވެ. އަދި އެ މަސައްކަތް މިހާރު ކުރަމުން އަންނަކަމަށް މިނިސްޓަރު ވިދާޅުވިއެވެ.
އިއްޔެގެ ހާދިސާ ގިނަ ލިޔެކިޔުންތައް އަނދައިގެން ދިޔަނަމަވެސް ފްލެޓް ލިސްޓައި ގެދޮރުވެރި ސްކީމާއި ބިންވެރި ސްކީމްގެ ލިޔުންތައް ސަލާމަތުން ހުރިކަމަށް މިނިސްޓަރު ވިދާޅުވިއެވެ. އަދި މި އަލިފާނުގެ ހާދިސާއިން އެއަށް އެއްވެސް މައްސަލެއެއް ނުޖެހޭނެކަމަށް މިނިސްޓަރު ވިދާޅުވިއެވެ.
ހައުސިން މިނިސްޓްރީއާ އިންފްރަސްޓަރަކްޗާ މިނިސްޓްރީން ހިންގާ އިމާރާތުގައި އަލިފާން ރޯވީ ހެނދުނު 07:15 ކަންހާއިރުއެވެ. ވަށައިގެން ޓިނު ޖަހާ ހަދާފައިވާ މި އިމާރާތުގައި ރޯވި އަލިފާންގަނޑު ޖެހިގެން ހުރި އެންވަަޔަރަމަންޓް މިނިސްޓްރީއަށްވެސް ފެތުރި އެ މިނިސްޓްރީއަށްވެސް ވަނީ ބޮޑެތި ގެއްލުންތަކެެއް ވެފައެވެ.
