ads
މިނިސްޓްރީގެ އަލިފާނަށްފަހު ފެންނަން ހުރި ގޮތް
ރޯވި މިނިސްޓްރީތައް ހުރި ބިން ސާފުކުރަނީ، މާދަމާ މަގު ހުުޅުވާލެވޭނެ
މިދިޔަ ބުރާސްފަތި ދުވަހު ހިންގި އަލިފާުގެ ހާދިސާގައި ރޯވި މިނިސްޓްރީތައް ހުރި ބިން ސާފުކުރަން ފަށައިފިއެވެ.
Advertisement

ވަށައިގެން ޓިނު ޖަހއިގެން ދަގަނޑު ފްރޭމަކުން ހަދާފައިވާ ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ ހިންގަމުން އަންނަ ބިލްޑިން ބުރާސްފަތި ދުވަހު އަލިފާނުގެ ހާދިސާގައި ވަނީ އެއްކޮށް އަނދާ ހުލިވެފައެވެ. އަދި އެ މިނިސްޓްރީއާ އިންވެގެން ހުރީ އެންވަޔަރަމަންޓް މިނިސްޓްރީއާ ސިޓީ ކައުންސިލްގެ އޮފީހަށްވެސް ވަނީ  ގެއްލުންތައް ލިބިފައެވެ. 

އަލިފާނުގެ ހާދިސާގައި އަނދައިގެން ދިޔަ އިމާރާތްތައް ހުރި ސަރަހައްދު ލޯކަލް ގަވަމަންޓް މިނިސްޓްރީން މިއަދު ވަނީ ސާފުކުރަން ފަށާފައެވެ. އެ މިނިސްޓްރީން ބުނީ އެ އިމާރާތްތައް ރޫޅާ ކުމުގެ މަސައްކަތް އަންނަނީ ކުރަމުންކަމަށެވެ.  

your imageރޯވި މިނިސްޓްރީތައް ހުރިތަން ސާފުކުރަނީ 

ލޯކަލް ގަވަމަންޓް މިނިސްޓަރު އާދަމް ޝަރީފް އުމަރު ވިދާޅުވީ ރޯވި އިމާރާތްތައް ހުރި ބިން މިއަދު ސާފުކުރަން ފަށަފައިވާކަމަށެވެ. އަދި މިހާރު އެ ސަރައްދުގައި ބަންދުކޮށްފައިވާ މަގުތައް މާދަމާ ހުޅުވާލެވޭނެކަމަށް މިނިސްޓަރު އާދަމް ޝަރީފް އުމަރު ވިދާޅުވިއެވެ. 

އަލިފާނުގެ ހާދިސާއެއްގެ ސަބަބުން ތިން މިނިސްޓްރީގެ މަސައްކަތް ވަނީ ވަގުތީ ގޮތުން ހުއްޓިފައިވާތީ މި އޮފީސްތަކުގެ މަސައްކަތް ދަރުބާރުގެއަށް ވަގުތީ ގޮތުން ބަދަލުކުރަން ނިންމާ އެ މަސައްކަތް ވަނީ ފަށާފައެވެ. އަދި އަންނަ އާދިއްތަ ދުވަސް ފެށެންވާއިރަށް ހިދުމަތް ދެވޭވަރަށް އޮފީސްތަކުގެ ސެޓަޕްތައް ހަދާ ނިންމާލުމަށް ދަނީ މަސައްކަތް ކުރަމުންނެވެ.  

 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް