
މި ސީޒަނަށް ފަހު، ސިޓީއާއެކު ޑިބްރޭނާ ހަދާފައިވާ ކޮންޓްރެކްޓް ހަމަވާނެއެވެ. ރިޕޯޓްތައް ބުނާ ގޮތުން ފްރީ އެޖެންޓެއްގެ ގޮތުގައި ޑިބްރޭނާ ދިޔުމުގެ ކުރިން އޭނާގެ ސޮއި ހޯދުމަކީ އިންޓަމިޔާމީގެ ޕްރައިމް ޓާގެޓެވެ. ޑި ބްރޭނާގެ ސޮއި ހޯދަން، ސައުދީ އަރަބިއްޔާއިންވެސް އަންނަނީ މަސައްކަތް ކުރަމުންނެވެ.
ޑި ބްރޭނާގެ ކޮންޓްރެކްޓް އަންނަ ޖޫން މަހު މަހަވާއިރު، ޖެނުއަރީން ފެށިގެން ރަސްމީކޮށް އެހެން ކްލަބުތަކާ ވާހަކަ ދެއްކުމުގެ ހުއްދަ އޭނާއަށް ލިބޭނެއެވެ. އިންޓަ މިޔާމީއަށް އޭނާ ބަދަލުވެއްޖެ ނަމަ އަންނަ ސީޒަންގައި އޭނާ ކުޅޭނީ މެސީއާއި ސުއަރޭޒްއާއެކު އެމެރިކާގައެވެ.
އަނެއްކޮޅުން، އުމުރުން 32 އަހަރުގެ ޕްލޭމޭކަރު ހޯދުމަށް ސައުދީން 100 މިލިއަން ޕައުންޑް ހުށަހަޅަން އޮތީ ތައްޔާރަށް ކަމަށް ރިޕޯޓްތައް ބުނެއެވެ. ސައުދީ އަރަބިއްޔާގެ އަލް ނަސްރަށް، މެންޗެސްޓަރ ސިޓީގެ ޕްލޭމޭކަރު ކެވިން ޑި ބްރޭނާ ގެންނަން، އެ ކްލަބުގެ ތަރި، ކްރިސްޓިއާނޯ ރޮނާލްޑޯ އަންނަނީ ލޮބީ ކުރަމުންނެވެ.