އެމަނިކުފާނު މިހެން ވިދާޅުވީ މިހާރު އދ. އަތޮޅުގެ ބައެއް ރަށްތަކަށް ކުރައްވަމުން ގެންދަވާ ދަތުރުފުޅުގައިއެ އަތޮޅު މަހިބަދޫއަށް ވަޑައިގެން އެރަށު ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުންނެވެ.
ރައީސް ޑރ. މުއިއްޒު ވިދާޅުވީ އެމަނިކުފާނު ކައުންސިިލްތަކާއި ބައްދަލުކުރައްވަން ފެއްޓެވި ދަތުރުފުުތަކުން މިހާރު ބައްދަލުނުވެވި އޮތީ އެންމެ ހަތަރު ކައުންސިލާ ކަމަށެވެ. އެ ކައުންސިލްތަކާއި ބައްދަލުކުރުމަށްފަހު މުޅި ރާއްޖޭގައި ނުދެވި ހުރި ރަށްްތަކަށްް އަންނަ އަހަރު ބަހާލައިގެން އަހަރު ނިމުމުގެ ކުރިން ހުރިހާ ރަށަކަށް ޒިޔާރަތްކުރައްވާނެކަމަށްވެސް ރައީސް މުއިއްޒު ވިދާޅުވިއެވެ.
މީހުން ދިރިއުޅޭ ހުރިހާ ރަށަަކަށް ދެވަނަ ފަހަރަށް ދައުރުގެ ތެރޭގައި ޒިޔާރަތް ކުރައްވާނެކަމަށް ވީ އެމަނިކުފާނުގެ ވައުދު ފުޅާ އެއްގޮތަށް އެ ދަތުރުތައް 2027 ގައި ފައްޓަވާނެކަންވެސް ރައީސް ޑރ. މުއިއްޒު މިއަދު ވަނީ އިއުލާންކުރައްވާފައެވެ.
ލޯކަލް ކައުންސިލުތަކާ ބައްދަލުކުރެއްވުމަށް ރައީސް ފަށްޓަވައިގެން ކުރިޔަށްގެންދަވާ ސިލްސިލާ ދަތުރުފުޅުތަކުގައި އިއްޔެ ނިޔަލަށް 185 ކައުންސިލަކާ ބައްދަލުކުރައްވާފައިވާކަމަށް ރައީސް އޮފީހުން ވަނީ ބުނެފައެވެ.
