ads
ދިވެހިރާއްޖޭގެ ހައިކޯޓު - ފޮޓޯ:ހައިކޯޓު
ޔޫރަޕްގެ ވެރިން މަރާލަން ގޮވާލި ހޫދުގެ މައްސަލަ ހައިކޯޓަށް
ޓެރަރިޒަމް ޖަމާއަތެއް ކަމަށްވާ، އިސްލާމިކް ސްޓޭޓަށް ސޯޝަލް މީޑިއާގައި ތާއިދުކޮށް އެކި ލިޔުންތަކާއި ފޮޓޯ އާއި ވީޑިއޯ އާންމުކޮށް، ޓެރަރިޒަމްގެ އަމަލެއް ރާވައި ހިންގައިފާނެކަމުގެ އިންޒާރުދެމުންދިޔަ މައްސަލައާ ގުޅިގެން ހައްޔަރުކުރި ވ. ދެލްވައްތަ، ހޫދު މުއްމަދު ޒާހިރުގެ މައްސަލަ ދައުލަތުން ހައިކޯޓަށް ހުށަހަޅައިފިއެވެ.
Advertisement

ޓެރަރިޒަމް ޖަމާއަތެއް ކަމަށްވާ، އިސްލާމިކް ސްޓޭޓަށް ސޯޝަލް މީޑިއާގައި ތާއިދުކޮށް އެކި ލިޔުންތަކާއި ފޮޓޯ އާއި ވީޑިއޯ އާންމުކޮށް، ޓެރަރިޒަމްގެ އަމަލެއް ރާވައި ހިންގައިފާނެކަމުގެ އިންޒާރުދެމުންދިޔަ މައްސަލައާ ގުޅިގެން ހައްޔަރުކުރި މީހާގެ މައްޗަށް ފަސް ދައުވާއެއް ދައުލަތުން އުފުލާފައިވާއިރު، މައުލޫމާތު ލިބިފައިވާ ގޮތުގައި އޭނާވަނީ ބަންދުން ދޫކޮށްލާފައެވެ. ދައުލަތުން ހައިކޯޓަށް ހުށަހަޅާފައިވަނީ މި މައްސަލައެވެ.

އެމެރިކާގެ އެފްބީއައި އާއި ޔޫރަޕްގެ ތަހުގީގީ އިދާރާތައް ގުޅިގެން ހިންގި އޮޕަރޭޝަނެއްގައި ހޫދު ހައްޔަރުކުރީ 2022 ވަނަ އަހަރުއެވެ. އޭނާއަކީ އައިއެސްގެ އިސް އޮޕަރޭޓިވެއް ކަމަށް ފުލުހުން ތުހުމަތުކުރެ އެވެ. ޕީޖީ އޮފީހުން އޭރު ބުނީ އައިއެސް ޖަމާއަތުގެ ލިޔެކިޔުންތަކާއި ފޮޓޯ އާއި ވީޑިއޯ އިންޓަނެޓް މެދުވެރިކޮށް ފަތުރައި، ޝާއިއުކުރަމުންދިޔަ ކަމުގެ ތުހުމަތުކުރެވޭ ހޫދުގެ މައްޗަށް ފަސް ދައުވާކޮށްދޭން އެދި ކްރިމިނަލް ކޯޓަށް ހުށަހަޅާފައިވާ ކަމަށެވެ.

ހޫދުގެ މައްޗަށް އުފުލާ ދައުވާތަކީ، އިންޓަނެޓް މެދުވެރިކޮށް ޓެރަރިޒަމްގެ އަމަލެއް ކުރުމަށް ހިތްވަރުދިނުމުގެ ކުށުގެ ދައުވާއާއި އިންޓަނެޓް މެދުވެރިކޮށް ޓެރަރިސްޓް ޖަމާއާތެއްގެ ލިޔެކިއުންތައް ފެތުރުމުގެ ދައުވާއާއި ޓެރަރިސްޓް ޖަމާއަތެއްގެ މެންބަރަކަށްވުމުގެ ދައުވާއާއި ޓެރަރިސްޓް ޖަމާޢަތަކަށް ތާޢީދުކުރުމުގެ ދައުވާ އަދި ޓެރަރިސްޓް ޖަމާޢަތަކަށް ތާޢީދުކުރާ މީހެއްކަން ދޭހަވާފަދަ ލިޔުމެއް ނުވަތަ ކުރެހުމެއް ނުވަތަ ފޮޓޯއެއް ގެންގުޅުމުގެ ދައުވާއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް