ފިނޭންސް މިނިސްޓްރީން މިކަން އިއުލާންކުރި އިރު ބުނީ، އަސްމާގެ މައިގަނޑު މަސައްކަތަކީ ދައުލަތުގެ އެކި ދާއިރާތައް ރިފޯމް ކުރުމުގެ މަސައްކަތްތައް ހަލުވިކުރުން ކަމަށެވެ. މީގެ ތެރޭގައި އިގްތިސާދީ ރިފޯމާއި މާލީ ރިފޯމާއި އެސްއޯއީތައް ރިފޯމް ކުރުން ހިމެނެ އެވެ.
އަސްމާ މި މަގާމަށް އައްޔަންކޮށްފައި މިވަނީ ސަރުކާރުން ހަރަދުތައް ކުޑަކުރުމަށާއި އެސްއޯއީތައް ރިފޯމްކުރަން ގިނަ ކަންތައްތަކެއް ކުރަން ރާވާފައިވާ ދަނޑިވަޅެއްގަ އެވެ. އޭގެ ތެރޭގައި އަންނަ އަހަރުން ފެށިގެން ސަބްސިޑީ ދޭ ގޮތް ބަދަލުކުރުމާއި އާސަންދަ ރިފޯމާއި ބައެއް ކުންފުނިތައް އުވާލުމާއި އެއްކޮށްލުން ހިމެނެ އެވެ.
އަސްމާ މީގެ ކުރިން މަސައްކަތް ކުރައްވާފައިވަނީ މީރާގެ ޑެޕިއުޓީ ކޮމިޝަނަރު ޖެނެރަލްގެ މަގާމުގަ އެވެ. އެ މަގާމަށް އޭނާ އައްޔަންކުރެވުނީ 2019 ގައެވެ. އަދި މަގާމުން ވަކިވެފައިވަނީ މިދިޔަ އަހަރުގެ ނޮވެމްބަރު 31 ގައި އޭނާގެ ދައުރު ހަމަވުމުންނެވެ.
