ރައީސް މައުމޫން މިހެން ވިދާޅުވެފައި މިވަނީ އެމަނިކުފާނު އިސްވެ ހުންނަވާ އުފެއްދި ސީޔާސީ ޕާޓީ އެމްއާރުއެމް މިއަދުން ފެށިގެން އުވާލިކަން އިލެކްޝަނުން ހާމަކުރުމުންނެވެ.
އެމްއާރުއެމް އުވާލިކަން އީސީން ހާމަކުރިތާ އިރުކޮޅެއް ފަހުން އެއްވެސް ފަރާތެއްގެ ނަން ނުޖަހާ މައުމޫން އެކްސްގައި ކުރެއްވި ޕޯސްޓެއްގައި ވިދާޅުވީ އެއްވެސް ފަރާތަކުން ޤާނޫނާޤަވާޢިދާ ހިލާފަށް ކުރާ ޢަމަލެއް ބަލައެއް ނުގަންނާނެކަމަށެވެ.
އިލެކްޝަންސް ކޮމިޝަނުން ބުނީ ސިޔާސީ ޕާޓީއެއް ދެމިއޮތުމަށް ޤާނޫނު ލާޒިމުކުރާ 3000 މެންބަރުން ހަމަކުރުމަށް ދިން މުއްދަތުގައި އެމްއާރުއެމްއަށް އެކަން ކުރެވިފައިނުވާކަމަށެވެ. އެހެންކަމުން މިއަދުން ފެށިގެން ފެށިގެން މޯލްޑިވްސް ރިފޯމް މޫވްމަންޓް (އެމް.އާރު.އެމް) އުވާލާފައިވާކަމަށް އީސީން ބުނެއެވެ. އަދި އެ ޕާޓީ ސިޔާސީ ޕާޓީގެ ދަފްތަރުން އުނިކުރިކުރުމަށް ކޮމިޝަނުން ނިންމައިފައިވާކަމަށްވެސް އިލެކްޝަންސް ކޮމިޝަނުން ބުނެއެވެ.
އިލެކްޝަންސް ކޮމިޝަނުން އެންމެ ފަހުން އާއްމުރި ހިސާބުތައް ދައްކާ ގޮތުން އެމްއާރުއެމްގައި ތިބީ 1،867 މެމްބަރުންނެވެ.
