ކައުންސިލުން ބުނީ މާލޭގެ މަގުތަކާއި ގޯޅިތަކުގައި ޕެލެޓާއި ބާ ސާމާނާއި ކުނިވާ ބާވަތުގެ ތަކެތި ބަހައްޓަމުންދާ ކަން ފާހަގަ ކުރެވިފައިވާ ކަމަށެވެ. މި ތަކެތި ބެހެއްޓުމުގެ ސަބަބުން ހިނގާ މީހުންނާއި ދުއްވާ އުޅަނދުތަކަށް ދަތިވަމުންދާ ކަމަށް ކައުންސިލުން ބުންޏެވެ. އަދި މި ތަކެތި ނުނަގައިފިނަމަ ފިޔަވަޅު އަޅާނެ ކަމަށް ވެސް ކައުންސިލުން ބުންޏެވެ.
މި މަހުގެ 22 ވަނަ ދުވަހުގެ ހަވީރު 6:00 ގެ ކުރިން މި ތަކެތި ނެގުމަށް ކައުންސިލުން ވަނީ އަންގައިފަ އެވެ. އަދި މި މުއްދަތުގެ ތެރޭގައި ނުނަގައިފިނަމަ ކައުންސިލުން އަމިއްލައަށް ނަގައި، އެ ތަކެތި ބެހެއްޓި ފަރާތްތަކާ މެދު ފިޔަވަޅު އަޅާނެ ކަމަށް ވެސް ބުންޏެވެ.
މާލެ އަކީ އެންމެ ގިނަ އާބާދީއެއް ދިރިއުޅޭ އަދި އެންމެ ގިނައިން އެއްގަމު އުޅަނދު ދުއްވާ ސިޓީ ކަމަށްވާތީ، މަގުމަތީގައި މިފަދަ ތަކެތި ބެހެއްޓުމުން ދިމާވާ ދަތިތަކާ ގުޅިގެން ގިނަ ރައްޔިތުން ޝަކުވާ ކުރަމުންދާ ކަމަށް ކައުންސިލުން ފާހަގަކޮށްފައިވެ އެވެ.
- މި މަހުގެ 22 ވަނަ ދުވަހުގެ ހަވީރު 6:00 ގެ ކުރިން ތަކެތި ނެގަންޖެހޭ
- މުއްދަތުގެ ތެރޭގައި ނުނަގައިފިނަމަ ކައުންސިލުން ނަގައި ފިޔަވަޅު އަޅާނެ
- މަގުމަތީގައި ތަކެތި ބެހެއްޓުމުން ހިނގާ މީހުންނާއި އުޅަނދުތަކަށް ދަތިވޭ
- ރައްޔިތުންގެ ޝަކުވާ އިތުރުވެފައިވޭ
