މި ދެ ތަރިންގެ ފިލްމުތަކަށް ބޮކްސް އޮފީހުން ލިބެމުންދާ ކާމިޔާބީ އިތުރުވަމުން އަންނަ ކަމަށް ފިލްމު ކްރިޓިކް ތަރަން އަދަޝް ބުނެފައިވެއެވެ.
ރަންބީ ކަޕޫގެ އެންމެ ފަހުގެ ފިލްމު "އެނިމަލް" އަށް ލިބުނު ކާމިޔާބީ ފާހަގަކޮށްލެވެ އެވެ. މި ފިލްމަށް ލިބުނު ކާމިޔާބީ އިތުރަށް ފާހަގަކޮށްލެވެނީ ޝާރުކް ކާންގެ ތިން ފިލްމާއި ސަނީ ދެއޯލްގެ "ގަދަ 2" ދައްކަމުންދިޔަ އަހަރެއްގައި ކަމަށްވާތީ އެވެ.
ކާތިކް އަރިޔާންގެ ފިލްމުތަކަށްވެސް ބޮކްސް އޮފީހުން ރަނގަޅު އާމްދަނީއެއް ލިބެމުންދެ އެވެ. އޭނާގެ "ބޫލް ބުލައިޔާ" ފްރެންޗައިޒްގެ ފިލްމުތަކަށް ލިބުނު ކާމިޔާބީގެ އިތުރުން 2024 ވަނަ އަހަރު ދައްކާނެ "ޗަންދު ޗެމްޕިއަން" އަދި "ބޫލް ބުލައިޔާ 3" އަށްވެސް ރަނގަޅު ކާމިޔާބީއެއް ލިބޭނެ ކަމަށް ލަފާކުރެވެ އެވެ.
ތަރަން އަދަޝް ބުނީ ރަންބީ ކަޕޫ "ޖައްގާ ޖާސޫސް" ފަދަ ދެރަ ފިލްމުތަކުގައި މަސައްކަތް ނުކުރުމަށެވެ. އަދި އާންމުންނަށް ކަމުދާ ފިލްމުތަކުގައި މަސައްކަތްކުރުމަށް ލަފާދިނެވެ. ކާތިކް އަރިޔާންގެ ފްރެންޗައިޒް ފިލްމުތަކަށް ލިބޭ ކާމިޔާބީ ދައްކުވައިދެނީ ބޮލިވުޑްގައި އަދިވެސް ގިނަ އަދަދެއްގެ މީހުން ސިނަމާއަށް ގެނެވޭ ތަރިން ތިބިކަން ކަމަށް އޭނާ ބުންޏެވެ.
