ޕަބްލިކް ސަރވިސް މީޑިއާ (ޕީއެސްއެމް) ގެ މެނޭޖިންގ ޑިރެކްޓަރު މުހައްމަދު ސަޢީދު އިސްތިއުފާ ދެއްވީ، ސިއްހީ ހާލަތާ ގުޅިގެން ބޭސްފަރުވާއަށް ދިގު މުއްދަތަކަށް ރާއްޖެއިން ބޭރަށް ދާން ޖެހޭތީކަމަށް ޕީއެސްއެމްއިން ބުނެފިއެވެ.
Advertisement
އޯގަސްޓު 24 ގައި އެ މަގާމަށް އައްޔަންކުރެވުނު ސަޢީދު، އިއްޔެގެ ވަގުތެއްގައި އިސްތިއުފާ ސިޓީ ހުށަހެޅުއްވި އެވެ. ސިޓީގައި އޭނާ ވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒަށް ޝުކުރު އަދާކުރައްވާފަ އެވެ.
ޕީއެސްއެމްގެ މަގާމުގައި ހުންނެވި ހަތަރު މަސްދުވަހުގެ ތެރޭގައި ސަޢީދު ވަނީ އެ ކުންފުނީގެ ކުރިއެރުމަށް ގިނަ މަސައްކަތްތަކެއް ކުރައްވާފައެވެ.
"މުވައްޒަފުންނާ ގުޅުން ބަދަހި ވެރިއެއްގެ ގޮތުގައި ފާހަގަކުރެވިފައިވިވޭ،" ކަމަށް ޕީއެސްއެމްއިން ބުނެއެވެ.
ސައީދަކީ 1989 އިން ފެށިގެން ސަރުކާރުގެ އެކި މަގާމުތައް ފުރުއްވާފައިވާ ބޭފުޅެކެވެ. އެގޮތުން އެޑިއުކޭޝަން މިނިސްޓްރީގެ ޕަމަނަންޓް ސެކްރެޓަރީ އަދި ޑިރެކްޓާ ޖެނެރަލްގެ މަގާމުވެސް ފުރުއްވާފައިވެއެވެ. އަދި އާސަންދަ ކުންފުނީގެ ބޯޑު މެންބަރުކަންވެސް ކުރައްވާފައިވެއެވެ.
- އިސްތިއުފާ ދެއްވީ ސިއްހީ ހާލަތާ ގުޅިގެން ބޭސްފަރުވާއަށް ދާންޖެހޭތީ
- އޯގަސްޓު 24 ގައި މަގާމާ ހަވާލުވެ، ހަތަރު މަސްދުވަހު މަސައްކަތްކުރެއްވި
- 1989 އިން ފެށިގެން ސަރުކާރުގެ އެކި މަގާމުތައް ފުރުއްވާފައިވޭ
- އެޑިއުކޭޝަން މިނިސްޓްރީގެ އިސް މަގާމުތަކާއި އާސަންދަ ބޯޑުގައި މަސައްކަތްކުރައްވާފައިވޭ
